AI Scam Alert: છેલ્લા કેટલાક સમયથી એઆઈની મદદથી થતી સ્કેમની ઘટનાઓ વધી છે. આને જોતા દેશની સાયબર સિક્યુરિટી એજન્સી ઇન્ડિયન કોમ્પ્યુટર ઇમરજન્સી રિસ્પોન્સ ટીમ (CERT-In) એ વોર્નિંગ જારી કરી છે. આમાં કહેવામાં આવ્યું છે કે એઆઈની મદદથી હવે ક્યાંય વધુ મુશ્કેલ સાયબર ક્રાઈમ થઈ રહ્યા છે. હવે એટેકર્સને ખામીઓ શોધવા માટે વધુ સમય પણ જોઈતો નથી અને તેઓ પહેલા કરતા વધુ મોટા સ્તર પર સિસ્ટમ અને યુઝર્સ પર એટેક કરી શકે છે. આમાં સામાન્ય યુઝર્સની સાથે-સાથે બિઝનેસને પણ આ સ્કેમ અંગે એલર્ટ રહેવા માટે કહેવામાં આવ્યું છે.
CERT-In એ જણાવ્યું ગંભીર ખતરો
CERT-In એ તેના એલર્ટમાં કહ્યું છે કે એઆઈ સિસ્ટમની મદદથી હવે સોફ્ટવેરમાં ખામીઓનો તરત જ ખ્યાલ લગાવી શકાય છે. હવે એઆઈના કારણે એટેકર્સ API, ક્લાઉડ સર્વિસ અને એન્ટરપ્રાઈઝ સિસ્ટમમાં નબળાઈ શોધીને ક્રેડેન્શિયલ (લોગિન વિગતો) ચોરી શકે છે. આ સિવાય ફિશિંગ સ્કેમ અને કોઈની નકલ કરીને સ્કેમ કરવાનો ખતરો પણ વધ્યો છે. એટેકર્સ અલગ-અલગ ભાષાઓમાં ઈમેલ, મેસેજ, વોઈસ અને વિડિયો કોલ દ્વારા સ્કેમ કરી રહ્યા છે. આનાથી યુઝર્સ તેને અસલી માનીને પોતાની સંવેદનશીલ જાણકારીઓ શેર કરી રહ્યા છે.
AI સ્કેમ માટે સ્કીલની જરૂર રહી નથી
વોર્નિંગમાં કહેવામાં આવ્યું છે કે એઆઈએ સાયબર ક્રાઈમને અંજામ આપવો સરળ બનાવી દીધો છે. હવે ઓછી સ્કીલ ધરાવતા એટેકર્સ પણ ગંભીર એટેક કરી શકે છે અને આનો ખતરો ઘણો મોટો છે. સિસ્ટમના અનઓથોરાઈઝ્ડ એક્સેસથી લઈને સર્વિસ ડિસરપ્શન અને ડેટા બ્રીચથી લઈને ફાઈનાન્શિયલ ફ્રોડ સુધીનો ખતરો વધ્યો છે.
બિઝનેસ માટે આ સલાહ
CERT-In એ એઆઈ સ્કેમથી બચવા માટે કંપનીઓને અનેક સ્તરે એલર્ટ રહેવાની સલાહ આપી છે. ઓર્ગેનાઈઝેશનને તેમની સિસ્ટમ, લોગ્સ અને નેટવર્ક એક્ટિવિટીનું મોનિટરિંગ કરવા માટે કહેવામાં આવ્યું છે. સાથે જ તેમને બિનજરૂરી સર્વિસીસ, પોર્ટ્સ અને પ્રોટોકોલને ડિસેબલ કરવાની સલાહ આપવામાં આવી છે. બીજી તરફ MSMEs માટે કિફાયતી અને અસરકારક રીતો સૂચવવામાં આવી છે. આમાં ઓપરેટિંગ સિસ્ટમની ઓટોમેટિક અપડેટ ઈનેબલ કરવી અને મલ્ટી-ફેક્ટર ઓથેન્ટિકેશનનો ઉપયોગ કરવો વગેરે સામેલ છે.
સામાન્ય યુઝર્સને આપવામાં આવી આ સલાહ
સરકારી એજન્સીએ પોતાની વોર્નિંગમાં કહ્યું છે કે પર્સનલ ડિવાઈસીસ અને એકાઉન્ટ્સને પણ ઝડપથી નિશાન બનાવવામાં આવી રહ્યા છે. આનાથી બચવા માટે યુઝર્સ પોતાના ફોનના સોફ્ટવેરને અપડેટેડ રાખે. સાથે જ લોકોને સ્ટ્રોંગ અને યુનિક પાસવર્ડ વાપરવા અને જ્યાં શક્ય હોય ત્યાં મલ્ટી-ફેક્ટર ઓથેન્ટિકેશનનો ઉપયોગ કરવાની સલાહ આપવામાં આવી છે.
