ગૂગલ ડીપમાઇન્ડે રજૂ કર્યું Gemini Robotics 2, હવે રોબોટ્સ જાતે વિચારીને કરશે કામ

Gemini Robotics 2 થી બદલાશે રોબોટ્સની દુનિયા, હવે માનવોની જેમ સમજીને કરશે જટિલ કામ

Gemini Robotics 2: મોટાભાગના રોબોટ્સને વારંવાર કરવામાં આવતા કામો માટે પહેલેથી જ પ્રોગ્રામ કરવામાં આવે છે અથવા દૂરથી કંટ્રોલ કરવામાં આવે છે. તેમની પાસે જાતે શીખવાની અથવા અજાણ્યા વાતાવરણ પ્રમાણે પોતાને ઢાળવાની ક્ષમતા હોતી નથી. ઉપરાંત, એક રોબોટે શીખેલી સ્કિલ્સને બીજા રોબોટમાં ટ્રાન્સફર કરવી ખૂબ જ મુશ્કેલ હોય છે. મોટા પાયે મુશ્કેલ કામો કરવા માટે દરેક પ્રકારના અને દરેક કદના રોબોટને એવા AI મોડલની જરૂર હોય છે, જે તેમને સમજદારીથી વિચારવાની, કામ કરવાની અને વાતચીત કરવાની ક્ષમતા આપે, જેથી તેઓ સુરક્ષિત રીતે કામ પૂર્ણ કરી શકે.

રોબોટ્સની દુનિયામાં આ જરૂરિયાતને ધ્યાનમાં રાખીને ગૂગલ ડીપમાઇન્ડે જેમિની રોબોટિક્સ 2 રજૂ કર્યું છે. આ એક ઇન્ટેલિજન્સ લેયર છે, જે આગામી પેઢીના એવા રોબોટ્સને પાવર આપે છે, જેથી તેઓ દરેક પરિસ્થિતિ પ્રમાણે પોતાને ઢાળી શકે. ઉપરાંત, જેમિની રોબોટિક્સ 2 રોબોટ્સને દરેક હલનચલન વિશે વિચારપૂર્વક કામ કરવામાં મદદ કરે છે, જેના કારણે અનેક પ્રકારના કામ કરી શકાય છે.

હવે રોબોટ્સ નહીં લથડાય

ગૂગલની આ નવી ટેક્નોલોજી રોબોટના પગથી લઈને આંગળીઓ સુધીના સમગ્ર શરીરને કંટ્રોલ કરે છે, જેના કારણે તેઓ વાંકા વળી શકે છે, સ્ટ્રેચ કરી શકે છે, વેરવિખેર થયેલો રૂમ સાફ કરી શકે છે અને નવા રોબોટિક શરીર પ્રમાણે માત્ર થોડા કલાકોમાં પોતાને ઢાળી શકે છે. Vision-Language-Action (VLA) અને Embodied Reasoning (ER)ની મદદથી હવે રોબોટ્સ માનવોના નિર્દેશોને સમજીને અનેક તબક્કાવાળા જટિલ કામ સરળતાથી પૂર્ણ કરી શકશે. તેનો અર્થ એ છે કે હવે રોબોટ્સ લથડાશે નહીં.

ઉદાહરણ તરીકે, આ ટેક્નોલોજી એક હ્યુમનોઇડને ચાલવામાં, વાંકા વળવામાં, સ્ટ્રેચ કરવામાં અને વસ્તુઓને અહીં-ત્યાં ખસેડીને વેરવિખેર થયેલો રૂમ સાફ કરવામાં મદદ કરી શકે છે. તે કામને વધુ ઝડપથી પૂર્ણ કરવા માટે બીજા રોબોટ સાથે મળીને પણ કામ કરી શકે છે. તેમજ આ શક્તિશાળી ઇન્ટેલિજન્સ ડિવાઇસ પર જ ચાલી શકે છે અને માત્ર થોડા કલાકોમાં સંપૂર્ણપણે નવા રોબોટિક શરીર પ્રમાણે સરળતાથી પોતાને ઢાળી શકે છે.

For decades, we’ve dreamed of robots that can seamlessly step into our world and lend a hand.

Today, we take a major stride toward making that dream a reality:

Introducing Gemini Robotics 2 from @GoogleDeepMind, the intelligence layer powering the next generation of truly… pic.twitter.com/f4AsXTzQxB

— Google AI (@GoogleAI) July 30, 2026

ગ્રિપ બનાવવામાં મળે છે મદદ

Gemini Robotics 2 ગૂગલ ડીપમાઇન્ડનું સૌથી અદ્યતન Vision-Language-Action (VLA) મોડલ છે, જે વિઝન અને લેંગ્વેજ ઇનપુટને મોટર કંટ્રોલમાં ફેરવે છે. તેના કારણે રોબોટ કોઈપણ એક્શન લઈ શકે છે. આ મોડલ સમગ્ર હ્યુમનોઇડના પગથી લઈને આંગળીઓના ટેરવા સુધી અને બે હાથ ધરાવતા અન્ય રોબોટ્સને કંટ્રોલ કરવામાં સક્ષમ બનાવે છે. તે બંને હાથ અને ગ્રિપર્સની મદદથી વસ્તુઓને સંભાળવાની નવી ક્ષમતા પણ આપે છે.

માનવોની વાતચીત સમજીને કરી શકશે કામ

બીજી તરફ, Gemini Robotics ER 2 સૌથી સક્ષમ Embodied Reasoning (ER) મોડલ છે. આ એક Vision Language Model (VLM) છે, જે એજન્ટની જેમ કાર્ય કરે છે. તે રોબોટને માનવો સાથે વાતચીત કરવામાં, વાસ્તવિક દુનિયાને સમજવામાં અને અનેક મિનિટ સુધી ચાલતા બહુ-તબક્કાવાળા કામોની યોજના બનાવવામાં મદદ કરે છે.