Phone Camera Lens Cleaning Guide: સ્માર્ટફોનથી ફોટો ક્લિક કરતા પહેલા અવારનવાર લોકોની આદત હોય છે કે તેઓ લેન્સને પોતાની ટી-શર્ટ અથવા તો કોઈ કપડાથી સાફ કરે છે. આવું કરવાથી તેમને લાગે છે કે કેમેરો સાફ થઈ ગયો છે, પરંતુ અસલમાં તમે તમારા ફોનના સૌથી મોંઘા ભાગને સતત આવું કરીને ધીમે-ધીમે ખરાબ કરી રહ્યા છો. ટી-શર્ટ અથવા તો કોઈ કપડાથી કેમેરા લેન્સ લૂછવાથી લેન્સ પર લિસોટા (સ્ક્રેચ) પડી શકે છે, કપડાના રેસા લેન્સ કે કેમેરાની કિનારીઓમાં ફસાઈ શકે છે. ત્યાં સુધી કે જરૂરી કોટિંગ પણ નીકળી શકે છે. ફોનના કેમેરા લેન્સને સાફ કરવાની રીત અલગ હોય છે. ચાલો, જાણીએ.
લેન્સ પર આવી શકે છે લિસોટા
ટી-શર્ટ અથવા તો કપડાં પર ધૂળના બારીક કણો હોય છે, જે આંખોથી દેખાતા નથી. કપડાથી લેન્સને ઘસવા પર તે ધૂળના કણો ‘કાચકાગળ’ (રેગમાલ) ની જેમ કામ કરે છે અને લેન્સની ઉપર બારીક લિસોટા છોડી શકે છે. ઘણીવાર કપડું પણ ખરબચડું હોય છે, જેનાથી પણ લેન્સ પર સ્ક્રેચ આવી શકે છે. સતત આવું કરવાથી લેન્સથી ક્લિક કરેલા ફોટા ધૂંધળા આવવા લાગે છે.
આનાથી બગડી શકે છે ફોકસ
ટી-શર્ટના કપડામાં બારીક રેસા હોય છે. આ રેસા કેમેરાના લેન્સની કિનારીઓ અથવા સેન્સરના ગેપમાં ફસાઈ શકે છે. આનાથી ફોટો ક્લિક કરતી વખતે કેમેરાને સામે ફોકસ કરવામાં મુશ્કેલી આવી શકે છે.
હટી શકે છે કોટિંગ
સ્માર્ટફોનના કેમેરાના લેન્સ પર એક ખાસ ઓલિયોફોબિક (Oleophobic) અથવા એન્ટી-રિફ્લેક્ટિવ કોટિંગ હોય છે. ટી-શર્ટનું કપડું ખરબચડું હોય છે. વારંવાર ઘસવાથી આ કિંમતી કોટિંગ ઘસાઈ જાય છે.
સાફ કરવાની સાચી રીત
જો કેમેરાનો લેન્સ સાફ કરવો હોય તો તે જ કપડાનો ઉપયોગ કરો જે ચશ્માની સાથે આવે છે અથવા જે ખાસ કરીને સ્ક્રીન સાફ કરવા માટે હોય છે (માઇક્રોફાઇબર ક્લોથ). તેના રેસા ખૂબ જ મુલાયમ હોય છે અને તે ધૂળને શોષી લે છે, ઘસતા નથી.
