Samsung Student Offer: Samsung એ ભારતમાં પોતાના ‘Back to School’ કેમ્પેઇનની શરૂઆત કરી છે. આ ઓફર હેઠળ સ્ટૂડન્ટ્સને Galaxy AIથી સજ્જ સ્માર્ટફોન, ટેબલેટ, લેપટોપ, મોનિટર અને વેરેબલ્સ પર અનેક ખાસ લાભ મળશે. કંપનીનું કહેવું છે કે સ્ટૂડન્ટ્સ Samsung Student+ Programme દ્વારા પસંદગીના પ્રોડક્ટ્સ પર 10% સુધીનું સ્ટૂડન્ટ ડિસ્કાઉન્ટ, બેન્ક ઓફર્સ, No-Cost EMI અને અપગ્રેડ બેનિફિટ્સનો લાભ મેળવી શકે છે.
કંપનીના જણાવ્યા મુજબ, આ કેમ્પેઇનનું નામ ‘Start School. Stand Out. Grow Further with Samsung AI’ રાખવામાં આવ્યું છે. કંપનીનું ધ્યાન એવા AI ફીચર્સ ધરાવતા ડિવાઇસ ઉપલબ્ધ કરાવવાનું છે, જે અભ્યાસ, નોટ્સ બનાવવામાં, ઓનલાઈન ક્લાસ, પ્રોજેક્ટ અને રોજિંદી પ્રોડક્ટિવિટી માટે મદદરૂપ બને. ઓફર્સ Samsungના સ્માર્ટફોન, ટેબલેટ, લેપટોપ, મોનિટર અને વેરેબલ્સની નવી રેન્જ પર ઉપલબ્ધ છે.
સ્ટૂડન્ટ્સ Galaxy Book6 Pro પર HDFC Bank કાર્ડ દ્વારા 5,000 રૂપિયા સુધીનો ઇન્સ્ટન્ટ બેનિફિટ મેળવી શકે છે. ત્યારબાદ તેની ઇફેક્ટિવ કિંમત 1,73,990 રૂપિયા રહે છે. સાથે જ વધારાનું 10% સુધીનું સ્ટૂડન્ટ ડિસ્કાઉન્ટ પણ મળશે.
Galaxy Tab S11 Ultra પર પણ HDFC Bank કાર્ડ દ્વારા 5,000 રૂપિયા સુધીની છૂટ આપવામાં આવી રહી છે, જેના કારણે તેની ઇફેક્ટિવ કિંમત 1,17,999 રૂપિયા થઈ જાય છે. ઉપરાંત Smart Monitor M8 પર પસંદગીના બેન્ક કાર્ડ દ્વારા 3,000 રૂપિયા સુધીનો લાભ મળશે અને તેની ઇફેક્ટિવ કિંમત 46,699 રૂપિયા થઈ જશે. આ તમામ ડિવાઇસ પર સ્ટૂડન્ટ ડિસ્કાઉન્ટ પણ લાગુ થશે.
Samsungએ પોતાની ફ્લેગશિપ Galaxy S26 Seriesને પણ આ ઓફરમાં સામેલ કરી છે. Galaxy Forever પ્રોગ્રામ હેઠળ ગ્રાહકો ફોનની કિંમતનો 50% હિસ્સો 12 મહિનાની No-Cost EMI દ્વારા ચૂકવી શકે છે. ત્યારબાદ તેઓ ઇચ્છે તો ફોનને આગામી Galaxy ફ્લેગશિપમાં અપગ્રેડ કરી શકે છે અથવા બાકીની 50% રકમ ચૂકવીને ડિવાઇસ પોતાની પાસે રાખી શકે છે.
કંપની અનુસાર, આ યોજનામાં Galaxy S26ની શરૂઆતની EMI 3,917 રૂપિયા પ્રતિ મહિનો અને Galaxy S26 Ultraની EMI 5,958 રૂપિયા પ્રતિ મહિનોથી શરૂ થાય છે. પાત્ર સ્ટૂડન્ટ્સને આ ફોન પર 7% સુધીનું સ્ટૂડન્ટ ડિસ્કાઉન્ટ પણ મળશે.
Samsungના Galaxy AI ફીચર્સ જેવા કે Live Translate, Chat Assist અને Circle to Search with Google અભ્યાસ અને રિસર્ચને સરળ બનાવવા માટે આપવામાં આવ્યા છે. જ્યારે Galaxy ડિવાઇસ વચ્ચેના Quick Share અને Multi Control જેવા ફીચર્સ ફાઇલ શેરિંગ અને મલ્ટીટાસ્કિંગને વધુ સારી બનાવે છે.
આ તમામ સ્ટૂડન્ટ બેનિફિટ્સનો લાભ લેવા માટે સ્ટૂડન્ટ્સે Samsung Student+ Programme માં પોતાના સંસ્થાની ઇમેઇલ ID અથવા UNiDAYS દ્વારા સ્ટૂડન્ટ સ્ટેટસ વેરિફાઇ કરવું પડશે.
