અગાઉની કોઈપણ T20 વર્લ્ડ કપ વિજેતા ટીમને આટલી મોટી ઈનામી રકમ મળી નથી.
નવી દિલ્હી, 30 જૂન. શનિવારે રાત્રે બાર્બાડોસમાં રમાયેલી T20 વર્લ્ડ કપની ફાઇનલમાં ટીમ ઇન્ડિયાએ સાઉથ આફ્રિકાને 7 રનથી હરાવીને 17 વર્ષ બાદ T20 વર્લ્ડ ચેમ્પિયન બની હતી. આ શાનદાર જીત સાથે, ટીમ ઈન્ડિયાએ 20.36 કરોડ રૂપિયા (2.45 મિલિયન યુએસ ડોલર)ની મોટી ઈનામી રકમ પણ જીતી લીધી.
ICCની જાહેરાત અનુસાર, T-20ની વર્લ્ડ ચેમ્પિયન બનેલી ભારતીય ટીમને 20.36 કરોડ રૂપિયા (2.45 મિલિયન યુએસ ડોલર) મળ્યા છે. અગાઉની કોઈપણ T20 વર્લ્ડ કપ વિજેતા ટીમને આટલી મોટી ઈનામી રકમ મળી નથી. ઉપવિજેતા દક્ષિણ આફ્રિકાને રૂ. 10.64 કરોડ (US$1.28 મિલિયન) મળ્યા હતા. સેમિફાઇનલ રમીને બહાર થઈ ગયેલી ટીમોને રૂ. 6.54 કરોડ (US$787,500) મળ્યા હતા.
ઉલ્લેખનીય છે કે આ વર્ષે T-20 વર્લ્ડ કપમાં કુલ 20 ટીમોનો સમાવેશ કરવામાં આવ્યો હતો. આ કારણે તે અત્યાર સુધીનો સૌથી મોટો T20 વર્લ્ડ કપ હતો. ટૂર્નામેન્ટની શરૂઆત પહેલા જ ઈનામની રકમની જાહેરાત કરતી વખતે, ICCએ ઈનામની રકમનું બજેટ રૂ. 93.51 કરોડ (US$ 11.25 મિલિયન) રાખ્યું હતું. આ અગાઉની તમામ ICC T20 વર્લ્ડ કપ ટૂર્નામેન્ટ કરતાં વધુ છે. ગયા વર્ષે ભારતમાં યોજાયેલા ODI વર્લ્ડ કપ માટે ઈનામી રકમનું બજેટ 82.93 કરોડ રૂપિયા (US$10 મિલિયન) હતું.
