Bank Loan Without Income: પોતાની રોજબરોજની અથવા જીવનની જરૂરિયાતોને પૂરી કરવા માટે આપણે બેંક પાસેથી દેવું લઈએ છીએ, જેને લોન કહેવામાં આવે છે. અવારનવાર લોકોને એવી ગેરસમજ હોય છે કે લોન માત્ર નોકરીયાત અથવા તેવા લોકોને જ મળે છે જે કંઈક કમાતા હોય છે. પરંતુ એવું નથી, કેટલાક ખાસ એવા નિયમો છે જેની મદદથી કોઈપણ આવક વગર પણ તમે સરળતાથી લોન લઈ શકો છો. કોઈ બેંક તમને આ માટે ના પાડી શકે નહીં, જોકે આ માટે તમારે બસ આ સરળ કામ કરવું પડશે.
આવક વગર આવી રીતે મેળવો લોન
જો તમારી પાસે આવકનું કોઈ સાધન નથી, તો પણ તમે લોન લઈ શકો છો. આ માટે કેટલીક અલગ-અલગ રીતો છે, જેની મદદથી સરળતાથી લોન લઈ શકાય છે. ચાલો જણાવીએ કેવી રીતે:
ગોલ્ડ લોન
જો તમારી પાસે આવકનું કોઈ સાધન નથી, તો સૌથી સરળ છે ગોલ્ડ લોન લેવી. તમે તમારું સોનું ગીરો મૂકીને તરત જ લોન લઈ શકો છો, આ માટે આવકની કોઈ જરૂર હોતી નથી. જોકે તેને ફરીથી ભરવું તમારા માટે મુશ્કેલ હોઈ શકે છે, જો તમારી પાસે આવક નથી તો.
કો-એપ્લિકન્ટ
જો તમારા પરિવારના કોઈ સભ્ય જેમ કે પિતા, પતિ, પુત્ર, પુત્રી અથવા માતા પાસે આવકનો સ્ત્રોત છે, તો તમે તેમની સાથે મળીને લોન માટે એપ્લાય કરી શકો છો. લોન તમને જ મળશે પરંતુ કો-એપ્લિકન્ટ તમારા ગેરંટર તરીકે રહેશે, જેમની આવકના આધારે તમને લોન મળશે.
બેંક સ્ટેટમેન્ટ
જો તમારા બેંક એકાઉન્ટમાં સતત પૈસા આવે છે અને તે ક્યારેય માઈનસમાં નથી જતા, ત્યારે પણ તમને લોન મળી શકે છે. બેંક સ્ટેટમેન્ટના આધારે તમને લોન સરળતાથી મળી શકે છે, આ માટે તમારે વધુ પરેશાન થવાની જરૂર હોતી નથી.
FD અથવા મ્યુચ્યુઅલ ફંડ પર લોન
જો તમારી પાસે FD છે, તો પણ તમને સરળતાથી લોન મળી શકે છે. એટલું જ નહીં જો તમે મ્યુચ્યુઅલ ફંડમાં ઇન્વેસ્ટ કર્યું હોય અને દર મહિને સમયસર SIP ભરો છો તો પણ તમે લોન લેવા માટે એલિજિબલ હોવ છો.
આ વાતનું રાખજો ધ્યાન
આવક વગર લોન તમને મળી તો શકે છે પરંતુ આ માટે તમારે એ વાતનું ધ્યાન રાખવું પડશે કે તમારો સિબિલ સ્કોર સારો હોય. સિબિલ સ્કોર જ્યારે 700 થી 750 કે તેથી વધુ હશે ત્યારે જ તમને લોન માટે એપ્રૂવલ મળી શકે છે.
