Credit Score: આજકાલ ક્રેડિટ કાર્ડ આપણી જિંદગીનો જરૂરી હિસ્સો બની ગયા છે. ભલે ઓનલાઇન શોપિંગ હોય, ટ્રાવેલ બુકિંગ હોય કે અચાનક આવી પડતો ખર્ચ, ક્રેડિટ કાર્ડ ખૂબ કામ આવે છે, પરંતુ જ્યારે બિલ ભરવાની વારી આવે છે, ત્યારે અવારનવાર સવાલ ઉઠે છે કે શું બિલની છેલ્લી તારીખ સુધી રાહ જોવી જોઈએ કે પહેલા જ ચુકવણી કરી દેવી જોઈએ? ક્રેડિટ કાર્ડની પેમેન્ટને લઈને અવારનવાર લોકો મોડું કરી દે છે અને પછી પેમેન્ટ મોડું થવાની સાથે-સાથે ક્રેડિટ સ્કોર પણ ખરાબ થઈ જાય છે. ચાલો તમને જણાવીએ પોતાનો ક્રેડિટ સ્કોર સારો બનાવવા માટે શું કરવું જોઈએ?
સમયસર ચુકવણી કેમ જરૂરી છે?
ક્રેડિટ કાર્ડ કંપનીઓ તમને બિલ ભરવા માટે એક તારીખ આપે છે. આ જ દિવસે અથવા તે પહેલા ચુકવણી કરવી જરૂરી છે. આ દિવસ સુધી ચુકવણી કરવાથી તમે લેટ ફી અથવા વ્યાજ (Interest) થી બચી જાઓ છો. સમયસર ચુકવણી કરવાથી તમારો ક્રેડિટ સ્કોર પણ સારો રહે છે.
ક્રેડિટ કાર્ડ પેમેન્ટનો સમય કેમ જરૂરી છે?
ક્રેડિટ કાર્ડ વાપરનારાઓ માટે એ સમજવું જરૂરી છે કે સમયસર પૂરેપૂરી ચુકવણી કરવી ખૂબ મહત્વપૂર્ણ છે. જો તમે ડ્યુ ડેટ સુધી પૂરેપૂરું બિલ ભરી દો છો, તો તમારો ક્રેડિટ સ્કોર સુરક્ષિત રહે છે. સ્ટેટમેન્ટ બન્યાના તરત પછી ચુકવણી કરો કે છેલ્લા દિવસે, બંને સ્થિતિમાં તમારો સ્કોર ખરાબ થતો નથી. બસ ધ્યાન રાખો કે ડ્યુ ડેટ મિસ ન થાય.
લેટ પેમેન્ટના ગેરફાયદા
લેટ ફી લાગે છે, જે ઘણી વધારે હોઈ શકે છે.
બાકી રકમ પર હાઈ વ્યાજ લાગવા માંડે છે.
તમારો ક્રેડિટ સ્કોર નીચે પડી શકે છે, જેનાથી ભવિષ્યમાં લોન કે કાર્ડ લેવું મુશ્કેલ બની શકે છે.
સતત લેટ પેમેન્ટ કરવાથી બેંક તમને રિસ્કી કસ્ટમર માની શકે છે.
ક્રેડિટ લિમિટ વધવાની શક્યતા પણ ઓછી થઈ જાય છે.
ડ્યુ ડેટ પછી ચુકવણી કરવાનું નુકસાન
જો તમે ક્રેડિટ કાર્ડનું બિલ ડ્યુ ડેટ પછી ભરો છો, તો બેંક તમારી પેમેન્ટ હિસ્ટ્રી ક્રેડિટ બ્યુરોને મોકલી દે છે. ભારતમાં આ જાણકારી TransUnion CIBIL જેવી એજન્સીઓ જુએ છે. માત્ર એક વાર પણ મોડેથી ચુકવણી કરવા પર તમારી ક્રેડિટ રિપોર્ટમાં નેગેટિવ એન્ટ્રી પડી જાય છે. આ નેગેટિવ રેકોર્ડ તમારી લોન મંજૂર થવામાં, નવી ક્રેડિટ કાર્ડ લિમિટ મળવામાં કે નવું કાર્ડ મેળવવામાં મુશ્કેલી ઊભી કરી શકે છે એટલે કે એક નાની અમથી ભૂલ તમારી ભવિષ્યની નાણાકીય સુવિધાઓને પ્રભાવિત કરી શકે છે.
