ICAI CA Syllabus Update: સીએ વાળા માટે મોટો અપડેટ છે. ખૂબ જ ટૂંક સમયમાં ચાર્ટર્ડ એકાઉન્ટન્ટના ભણતરમાં બદલાવ થઈ શકે છે. ઇન્સ્ટિટ્યૂટ ઓફ ચાર્ટર્ડ એકાઉન્ટન્ટ્સ ઓફ ઇન્ડિયા (ICAI) સીએના સિલેબસમાં બદલાવ કરવાની તૈયારી કરવા જઈ રહ્યું છે. સ્ટુડન્ટ્સ જે સીએનો કોર્સ કરશે તેમણે આવનારા સમયમાં આર્ટિફિશિયલ ઇન્ટેલિજન્સ (AI), ડેટા એનાલિટિક્સ, ઈએસજી (ESG) અને બીજા સબ્જેક્ટ્સનું પણ ભણતર કરવું પડશે. ટેક્નોલોજી અને ડિજિટલ ટુલ્સમાં થઈ રહેલા બદલાવોના કારણે આ નિર્ણય લેવામાં આવી શકે છે. ICAI એ આના માટે એક કમિટી બનાવી છે.
એઆઈ પણ સીએ સિલેબસમાં લાવવાની તૈયારી
ભારતમાં ચાર્ટર્ડ એકાઉન્ટન્ટ (CA) કોર્સ ઇન્સ્ટિટ્યૂટ ઓફ ચાર્ટર્ડ એકાઉન્ટન્ટ્સ ઓફ ઇન્ડિયા દ્વારા ચલાવવામાં આવે છે. આ જ સંસ્થા આ પ્રોફેશનમાં અરજી, પરીક્ષાથી લઈને રિઝલ્ટ સુધીની પૂરી પ્રોસેસ ચલાવે છે. અત્યાર સુધી સીએનો સિલેબસ એકાઉન્ટિંગ, ટેક્સ, ઓડિટ, લો અને ફાઇનાન્સ પર જ વધુ ફોકસ છે. ટેક્નોલોજી જેમ કે એઆઈ અને ડેટા એનાલિટિકલ જેવા સબ્જેક્ટ્સ અત્યારે કોર્સમાં સત્તાવાર રીતે સામેલ નથી. પરંતુ હવે આઈસીએઆઈ આ વિષયોને પણ સીએ કરિક્યુલમનો હિસ્સો બનાવી શકે છે.
જોબ અને પ્રેક્ટિસ બંને માટે જરૂરી એઆઈ
ICAI ના અધ્યક્ષ પ્રસન્ના કુમાર ડી નું કહેવું છે કે ‘ટેક્નોલોજીની સાથે એકાઉન્ટિંગ પ્રોફેશનમાં પણ સતત બદલાવ થઈ રહ્યા છે. હવે આ જોબનો અહમ હિસ્સો બની ગઈ છે. એટલા માટે જ અમે CRET કમિટી બનાવી છે. જે પૂરા સિલેબસનું રિવ્યૂ કરશે. એક એન્જિનિયરિંગ માટે એઆઈ અલગ વિષય છે પરંતુ એઆઈ અમારા માટે કોઈ સબ્જેક્ટ નથી, એઆઈ વગર કોઈ પણ ચાર્ટર્ડ એકાઉન્ટન્ટ સરવાઇવ નથી કરી શકતો.’ જોબ અને પ્રેક્ટિસ બંનેમાં ટકી રહેવા માટે એઆઈ જરૂરી છે.
સિલેબસ રિવ્યૂ માટે નવી કમિટી
ICAI એ તાજેતરના સિલેબસની સમીક્ષા કરવા માટે ‘શિક્ષણ અને તાલીમ સમીક્ષા સમિતિ (CRET)’ ની રચના કરી છે. આ સમિતિ ચાર્ટર્ડ એકાઉન્ટન્ટના પૂરા સિલેબસની સમીક્ષા કરશે. સાથે એ પણ જોશે કરિક્યુલમમાં કઈ વસ્તુઓ જોડવામાં આવવી જોઈએ? અથવા ક્યાં સુધારો કરવાની જરૂર છે. કમિટી આર્ટિકલશિપ ટ્રેનિંગ, કોમ્યુનિકેશન સ્કિલ અને એસેસમેન્ટ સિસ્ટમનું પણ રીવ્યૂ કરશે. આ પછી આના પર વિચાર કરવામાં આવશે. આ સમિતિ ડિસેમ્બર સુધી પોતાની ભલામણો આપી શકે છે. જેના પછી જે પણ બદલાવો પર વાત થશે, તેના પર પબ્લિક ફીડબેક પણ લેવામાં આવશે.
સીએ ફાઇનલ અટેમ્પ્ટમાં પણ બદલાવ
આ પહેલાં ઇન્સ્ટિટ્યૂટ ઓફ ચાર્ટર્ડ એકાઉન્ટન્ટ્સ ઓફ ઇન્ડિયા કાઉન્સિલે સીએ ફાઇનલ પરીક્ષાના અટેમ્પ્ટમાં પણ બદલાવ કર્યો હતો. સીએ ફાઇનલની એક્ઝામ હવે વર્ષમાં ત્રણની જગ્યાએ બે વાર જ આયોજિત કરવામાં આવશે. આ પેપર હવે મે અને નવેમ્બરમાં લેવામાં આવશે. જોકે સીએ ફાઉન્ડેશન અને ઇન્ટરમીડિએટ એક્ઝામમાં અત્યાર સુધી કોઈ બદલાવ કરવામાં આવ્યો નથી. વળી સીએ ઇન્ટર ગ્રુપ I પરીક્ષા ૫, ૭ અને ૯ મેના રોજ લેવામાં આવી. ગ્રુપ II ની પરીક્ષા ૧૧, ૧૩ અને ૧૫ મેના રોજ આયોજિત કરવામાં આવી ચૂકી છે. સ્ટુડન્ટ્સને હવે આના પરિણામોની રાહ છે.
આ પણ વાંચો: CA Vs CS: કોમર્સના વિદ્યાર્થીઓ માટે કરિયર ગાઇડન્સ, જાણો CA અને CS વચ્ચેનો મુખ્ય તફાવત – Newz Cafe
