Realme Narzo 100x 5G નું વેચાણ આજથી ભારતમાં શરૂ થઈ ગયું છે. ગ્રાહકો શરૂઆતની ઑફર્સ હેઠળ ₹2000નું ડિસ્કાઉન્ટ પણ મેળવી શકે છે. રિયલમીના આ ફોનમાં 50 મેગાપિક્સલનો પ્રાઇમરી કેમેરા અને 8 મેગાપિક્સલ ફ્રન્ટ કેમેરા મળે છે. આ ફોન મીડિયાટેક ડાઇમેન્સિટી 6300 5G પ્રોસેસરથી સજ્જ છે. કંપનીએ આ ફોનમાં 8,000mAhની બેટરી આપી છે, જે 45W ફાસ્ટ ચાર્જિંગને સપોર્ટ કરે છે. ચાલો Narzo 100x 5Gની કિંમતથી લઈને સ્પેસિફિકેશન્સ વગેરે વિશે વિગતવાર જાણીએ.
Realme Narzo 100x 5G Price & Offers
Realme Narzo 100x 5G નું પ્રથમ સેલ આજથી શરૂ થઈ ગયું છે. Narzo 100x 5Gનો 4GB+128GB સ્ટોરેજ વેરિઅન્ટ ₹20,999માં આવે છે, જ્યારે 6GB+128GB સ્ટોરેજ વેરિઅન્ટની કિંમત ₹22,999 અને 6GB+256GB સ્ટોરેજ વેરિઅન્ટ ₹24,999માં આવે છે. ગ્રાહકો તેને રિયલમીની ઑફિશિયલ સાઇટ અને ઈ-કોમર્સ સાઇટ એમેઝોન પરથી ખરીદી શકે છે. શરૂઆતમાં ₹2000 ઇન્સ્ટન્ટ ડિસ્કાઉન્ટ અને ₹500 કૂપન ડિસ્કાઉન્ટ મેળવી શકે છે.
Realme Narzo 100x 5G Specifications
Realme Narzo 100x 5G માં 6.6 ઇંચની એચડી પ્લસ LCD ડિસ્પ્લે છે, જેનું રિઝોલ્યુશન 1570×720 પિક્સલ, 144Hz રિફ્રેશ રેટ અને 1200 નિટ્સ પીક બ્રાઇટનેસ છે. આ ફોન ઇન-ડિસ્પ્લે ફિંગરપ્રિન્ટ સેન્સર અને ફેસ રેકગ્નિશન સપોર્ટ સાથે આવે છે. આ ફોન મીડિયાટેક ડાઇમેન્સિટી 6300 5G પ્રોસેસરથી સજ્જ છે. Narzo 100x 5Gમાં 8,000mAhની બેટરી મળે છે, જે 45W ફાસ્ટ ચાર્જિંગને સપોર્ટ કરે છે. આ સ્માર્ટફોન એન્ડ્રોઇડ 16 આધારિત Realme UI 7.0 પર ચાલે છે.
કેમેરા સેટઅપની વાત કરીએ તો Narzo 100x 5G ના રિયર ભાગમાં f/1.8 એપર્ચર સાથે 50 મેગાપિક્સલનો પ્રાઇમરી કેમેરા છે. જ્યારે સેલ્ફી અને વીડિયો કોલિંગ માટે f/2.0 એપર્ચર સાથે 8 મેગાપિક્સલનો ફ્રન્ટ કેમેરા આપવામાં આવ્યો છે. ધૂળ અને પાણીથી સુરક્ષા માટે આ ફોન IP65 રેટિંગ સાથે આવે છે. ડાઇમેન્શનની વાત કરીએ તો આ ફોનની લંબાઈ 16.64 સેમી, પહોળાઈ 7.82 સેમી, જાડાઈ 0.88 સેમી અને વજન 224 ગ્રામ છે. કનેક્ટિવિટી વિકલ્પોમાં ડ્યુઅલ સિમ સપોર્ટ, 5G, વાઇ-ફાઇ 5, બ્લૂટૂથ 5.3, ઇયરફોન જેક, યુએસબી ટાઇપ C પોર્ટ અને જીપીએસ સામેલ છે.
