Babita Phogat To Sonam Wangchuk: NEET પેપર લીકને લઈને દિલ્હીમાં CJPની આગેવાની હેઠળ વિદ્યાર્થીઓ એક મહિનાથી વધુ સમયથી પ્રદર્શન કરી રહ્યા છે. છેલ્લા કેટલાક દિવસોમાં વિરોધ પ્રદર્શન ખૂબ વ્યાપક બન્યું છે. 20 જુલાઈએ સંસદ માર્ચ દરમિયાન પોલીસે વિદ્યાર્થીઓ પર લાઠીચાર્જ કર્યો હતો. ત્યારબાદ આ વિરોધ પ્રદર્શનને વધુ સમર્થન મળી રહ્યું છે. આ સાથે જ એન્જિનિયર, એજ્યુકેટર, સાયન્ટિસ્ટ અને એક્ટિવિસ્ટ સોનમ વાંગચુક અનશન પર છે. તેમને હોસ્પિટલમાં દાખલ કરવામાં આવ્યા છે.
બબિતા ફોગાટે સોનમ વાંગચુકને અનશન સમાપ્ત કરવાની અપીલ કરી
કોમનવેલ્થ ગેમ્સમાં ગોલ્ડ સહિત ત્રણ મેડલ જીતનાર બબિતા ફોગાટે સોનમ વાંગચુકને અનશન સમાપ્ત કરવાની અપીલ કરી છે. બબિતા ભાજપની નેતા પણ છે. તેમણે X પર લખ્યું, “સમાજ હિતમાં પોતાનું યોગદાન આપનારા આદરણીય સોનમ વાંગચુકજીને મારી નમ્ર વિનંતી છે કે તેઓ પોતાનું અનશન સમાપ્ત કરે. અમને સૌને તમારા સ્વાસ્થ્યની ચિંતા છે.”
समाज हित में अपना योगदान देने वाले
आदरणीय सोनम वांगचुक जी से मेरा विनम्र आग्रह है कि वे अपना अनशन समाप्त करें। हम सभी को आपके स्वास्थ्य की चिंता है ।हमें पूर्ण विश्वास है कि माननीय प्रधानमंत्री श्री @narendramodi जी के नेतृत्व में केंद्र सरकार छात्रों की हर समस्याओं को हल करने…
— Babita Phogat (@BabitaPhogat) July 23, 2026
બબિતા ફોગાટને વિશ્વાસ છે કે પ્રધાનમંત્રી નરેન્દ્ર મોદી આ સમસ્યાનો ઉકેલ લાવી દેશે. તેમણે આગળ લખ્યું, “અમને સંપૂર્ણ વિશ્વાસ છે કે માનનીય પ્રધાનમંત્રી શ્રી નરેન્દ્ર મોદીજીના નેતૃત્વમાં કેન્દ્ર સરકાર વિદ્યાર્થીઓની દરેક સમસ્યાનો ઉકેલ લાવવા માટે સંવેદનશીલ પણ છે અને સમર્પિત પણ છે. મોદીજીએ શાળાના વિદ્યાર્થીઓથી લઈને દેશના તમામ યુવાનોના રોજગાર, કૌશલ્ય અને ઉજ્જવળ ભવિષ્ય માટે અનેક પ્રયત્નો કર્યા છે. લોકહિત અને રાષ્ટ્રહિતના તમામ વિષયો સંવાદ અને લોકશાહી પ્રક્રિયામાં વિશ્વાસથી જ શક્ય બને છે.”
#StandWithStudents #JusticeForStudents #StudentsProtest #ExamReforms #PaperLeak #JantarMantar #NEET pic.twitter.com/hLhdFFZinG
— Bajrang Punia 🇮🇳 (@BajrangPunia) July 23, 2026
બજરંગ પુનિયા જંતર-મંતર પર પહોંચ્યા
બીજી તરફ ઓલિમ્પિકમાં મેડલ જીતેલા રેસલર બજરંગ પુનિયા જંતર-મંતર પહોંચ્યા હતા. પુનિયા કોંગ્રેસના નેતા પણ છે. તેમણે જંતર-મંતર પર વિદ્યાર્થીઓને સંબોધિત કર્યા હતા. તેમાં તેમણે કહ્યું, “જે સરકાર ભગવાન રામના નામ પર સત્તામાં આવી હતી, તેમણે ભગવાન રામને પણ છોડ્યા નહીં, લૂંટી લીધા. બધા ચૂપ બેઠા છે. એક પણ વ્યક્તિ બોલતો નથી. અંધભક્તોને આ વાત દેખાતી નથી.”
બજરંગ પુનિયાએ પણ 2023માં જંતર-મંતર પર પ્રદર્શન કર્યું હતું. ભાજપના સાંસદ અને રેસલિંગ ફેડરેશનના તે સમયના અધ્યક્ષ બૃજભૂષણ શરણ સિંહ સામે બજરંગ પુનિયા, વિનેશ ફોગાટ અને સાક્ષી મલિકની આગેવાનીમાં રેસલરોએ ધરણું કર્યું હતું. બૃજભૂષણ શરણ સિંહ પર મહિલા પહેલવાનોના યૌન શોષણના ગંભીર આરોપ લગાવવામાં આવ્યા હતા. મે 2023માં નવા સંસદ ભવનના ઉદ્ઘાટનના દિવસે માર્ચ કાઢવાનો પ્રયાસ દરમિયાન પોલીસે પહેલવાનોને કસ્ટડીમાં લીધા હતા અને જંતર-મંતર પરથી તેમના તંબુઓ હટાવી દીધા હતા.
