Ahmedabad Porsche Case: ગુજરાતના અમદાવાદમાં 110 કિલોમીટર પ્રતિ કલાકની ઝડપે પોર્શ ચલાવવાનો મામલો સામે આવ્યો છે. આ મામલાનો વીડિયો સામે આવ્યા બાદ પોલીસે પાઇલટની ધરપકડ કરી છે. નવરંગપુરા પોલીસે 24 વર્ષના એક પાઇલટની ધરપકડ કરી છે. તેના પર આરોપ છે કે તેણે લો ગાર્ડન પાસે વધુ ઝડપે પોર્શ ચલાવી હતી, જેના કારણે અન્ય વાહનચાલકોનો જીવ જોખમમાં મુકાયો હતો. ઘટનાનો ડેશકેમ વીડિયો સોશિયલ મીડિયા પર વાયરલ થયા બાદ પોલીસે લક્ઝરી કાર જપ્ત કરી લીધી છે.
લૉ ગાર્ડન પાસે તોડી સ્પીડ લિમિટ
નવરંગપુરા પોલીસના જણાવ્યા અનુસાર 24 વર્ષના એક પાઇલટે લો ગાર્ડન પાસે વધુ ઝડપે પોર્શ ચલાવી હતી. આરોપીનું નામ મોહમ્મદ અકરમ હોવાનું જણાવવામાં આવી રહ્યું છે. તેની બેદરકાર ડ્રાઇવિંગને કારણે અન્ય વાહનચાલકોનો જીવ જોખમમાં મુકાયો હતો. ઘટનાનો ડેશકેમ વીડિયો સોશિયલ મીડિયા પર વાયરલ થયા બાદ પોલીસે લક્ઝરી કાર જપ્ત કરી લીધી હતી. આરોપીની ઓળખ ગાંધીનગરના લિંબડિયા ગામના રહેવાસી અરકાન તિરમિજી તરીકે થઈ છે. એક યુવકની ફરિયાદ બાદ તેની ધરપકડ કરવામાં આવી હતી. યુવકે આરોપ લગાવ્યો હતો કે લગભગ 110 km/hની ઝડપે પોર્શ ચલાવતી વખતે તે તેની કાર સાથે અથડાતાં બચી ગયો હતો.
ડેશકેમમાં કેદ થયો ભયાનક વીડિયો
આ ઘટના ત્યારે સામે આવી જ્યારે શ્રેયાંશે HCG હોસ્પિટલ પાસે જોયું કે પોર્શ તેની તરફ ખૂબ ઝડપથી આવી રહી હતી. કાર એટલી વધુ ઝડપે ચાલી રહી હતી કે તે ટક્કરથી માંડ બચી શક્યો. આ ઘટના તેની કારના ડેશકેમમાં કેદ થઈ ગઈ હતી. વીડિયો અને ફરિયાદના આધારે નવરંગપુરા પોલીસે તેના રજિસ્ટ્રેશન નંબરનો ઉપયોગ કરીને વાહનને શોધી કાઢ્યું હતું. માલિકને પોલીસ સ્ટેશન બોલાવવામાં આવ્યો હતો. ત્યારબાદ Porsche જપ્ત કરી લેવામાં આવી હતી અને ડ્રાઇવર વિરુદ્ધ બેદરકારીપૂર્વક વાહન ચલાવવા અને અન્ય લોકોનો જીવ જોખમમાં મૂકવાનો કેસ નોંધવામાં આવ્યો હતો.
બીજા વીડિયોની પણ તપાસ શરૂ
પોલીસે વધુ એક વાયરલ વીડિયોની પણ તપાસ શરૂ કરી છે. તેમાં કથિત રીતે Porscheની ઝડપ વધુ હોવાનું માનવામાં આવી રહ્યું છે. તેમાં ઝડપ 200થી વધુ હોવાની વાત કહેવામાં આવી રહી છે. અમદાવાદ શહેરના વ્યસ્ત વિસ્તારમાં બેફામ ડ્રાઇવિંગે લોકોમાં ભય પેદા કર્યો છે. ફરિયાદ મુજબ કેસ શરૂ થયા બાદ આરોપી ડ્રાઇવરે શ્રેયાંશનો સંપર્ક કર્યો અને પોતાને પાઇલટ હોવાનું જણાવ્યું. તેણે કથિત રીતે સ્વીકાર્યું કે જ્યારે લો ગાર્ડનમાં ઘટના બની ત્યારે Porsche લગભગ 110 km/hની ઝડપે ચાલી રહી હતી અને વારંવાર ફરિયાદ પાછી ખેંચવાની માંગ કરી હતી. પોલીસ હવે કથિત બેદરકારીપૂર્વક વાહન ચલાવવા અને વાયરલ વીડિયોની પરિસ્થિતિની તપાસ કરી રહી છે. આરોપી ખાનગી એરલાઇન્સમાં પાઇલટ છે.
