Iran US War: ઈરાનની IRGCએ કુવૈત અને બહેરીન પર હુમલો કર્યો છે. કુવૈતની સેનાએ જણાવ્યું છે કે તેણે દુશ્મનના એક ડ્રોન હુમલાને નિષ્ફળ બનાવ્યો છે. કુવૈતી સેનાએ X પર એક નિવેદનમાં જણાવ્યું કે તેની એર ડિફેન્સ સિસ્ટમે દુશ્મનના હુમલાઓને અટકાવી દીધા છે. તેણે કહ્યું કે વિસ્ફોટોના જે અવાજો સંભળાયા હતા, તે દુશ્મનના ડ્રોનને ઇન્ટરસેપ્ટ કરવાને કારણે હતા. બીજી તરફ, અમેરિકા અને ઈરાને પણ એકબીજા પર હુમલા કર્યા છે. બહેરીને બે અલગ-અલગ ચેતવણીઓ દ્વારા નાગરિકોને ડ્રોન હુમલા અંગે સાવચેત કર્યા હતા.
تتصدى حالياً الدفاعات الجوية الكويتية لهجمات طائرات مسيّرة معادية.
تنوه رئاسة الأركان العامة للجيش بأن أصوات الانفجارات، إن سُمعت، فهي نتيجة اعتراض منظومات الدفاع الجوي للهجمات المعادية.
ويرجى من الجميع التقيد بتعليمات الأمن والسلامة الصادرة عن الجهات المختصة.
#الجيش_الكويتي https://t.co/fW8CUwJL6M
— KUWAIT ARMY – الجيش الكويتي (@KuwaitArmyGHQ) November 17, 2026
બહેરીનમાં અમેરિકાના સૈન્ય મથક પર હુમલો
અમેરિકન સેનાએ મંગળવાર અને બુધવારની મધ્યરાત્રિ દરમિયાન હોર્મુઝની સામુદ્રધુનીમાં આવેલા ઈરાનના કેશમ ટાપુ પર અનેક હુમલા કર્યા હતા. અમેરિકન સેનાએ તેને સ્વરક્ષણ માટે કરવામાં આવેલો હુમલો ગણાવ્યો હતો. તેના થોડા કલાકો પહેલાં ઈરાને કહ્યું હતું કે તેણે બહેરીનમાં અમેરિકાની રડાર સિસ્ટમ પર ડ્રોનથી હુમલો કર્યો છે. IRGCએ કહ્યું કે અમેરિકાના લશ્કરી ડ્રોન દ્વારા વારંવાર ઈરાનની હવાઈ સીમાનું ઉલ્લંઘન કરવામાં આવતું હોવાથી તેના જવાબમાં આ કાર્યવાહી કરવામાં આવી હતી.
કેશમ ટાપુ પર અમેરિકાનો વળતો પ્રહાર
અમેરિકાની સેન્ટ્રલ કમાન્ડે જણાવ્યું કે બહેરીનના એર બેઝને નિશાન બનાવીને છોડવામાં આવેલા ઈરાનના ડ્રોન કોઈ નુકસાન પહોંચાડી શક્યા નહોતા અને તેમને પહેલાં જ ઇન્ટરસેપ્ટ કરી લેવામાં આવ્યા હતા. પાંચ દિવસની અંદર બહેરીન પર ઈરાનનો આ ત્રીજો ડ્રોન હુમલો હતો. તેના થોડા કલાકો બાદ કેશમ ટાપુ પર હુમલો કરવામાં આવ્યો હતો. આ હુમલો મિસાઇલ લોન્ચ સ્થળને નિશાન બનાવીને કરવામાં આવ્યો હતો.
ઈરાનની સરકારી સમાચાર એજન્સી IRNAએ જણાવ્યું કે કેશમ ટાપુ પર મંગળવારની રાત્રે 5થી 6 વિસ્ફોટ થયા હતા. ઈરાનના દક્ષિણ હોર્મોઝગાન પ્રાંતના નાયબ ગવર્નર અહમદ નફીસીએ જણાવ્યું કે કેશમ ટાપુની સ્થિતિ નિયંત્રણમાં છે. હુમલાઓમાં રહેણાક, વ્યાપારી અને માળખાકીય સુવિધાઓ ધરાવતા વિસ્તારોને કોઈ નુકસાન થયું નથી.
🚫 CLAIM: Iran’s Islamic Revolutionary Guard Corps (IRGC) claimed its drones hit a U.S. military radar system at a base in Bahrain early this morning. This is FALSE.
✅ FACT: Multiple Iranian one-way attack drones launched by the IRGC today towards Bahrain were intercepted without any damage to U.S. equipment or injury to American personnel. CENTCOM and partner forces remain highly vigilant.
— U.S. Central Command (@CENTCOM) November 17, 2026
મધ્ય પૂર્વમાં વધ્યો તણાવ
કુવૈત અને બહેરીનમાંથી આવી રહેલા હુમલાના સમાચારે આ વિસ્તારમાં લગભગ બે મહિનાથી ચાલી રહેલી શાંતિ ભંગ કરી દીધી છે. બહેરીન પર તાજેતરના હુમલાની શરૂઆત શુક્રવારે થઈ હતી, જે સપ્ટેમ્બરની શરૂઆત પછી કોઈ ખાડી દેશ પર ઈરાનનો પ્રથમ હુમલો હતો. તાજેતરમાં અમેરિકાનું ત્રીજું એરક્રાફ્ટ કેરિયર સ્ટ્રાઇક ગ્રૂપ આ વિસ્તારમાં પહોંચ્યા બાદ તણાવ વધી ગયો છે.
ટ્રમ્પ ઈરાન સામે કડક નિર્ણય લઈ શકે છે
એવું લાગે છે કે અમેરિકા અને ઈરાન વચ્ચે સમજૂતી થવાની શક્યતા હજુ દૂર છે. તાત્કાલિક સમજૂતી થવાની શક્યતાઓ ઘણી ઓછી છે. રાષ્ટ્રપતિ ડોનાલ્ડ ટ્રમ્પે ચેતવણી આપી છે કે જો તેહરાન તેમની માગણીઓ સ્વીકારવાનો ઇનકાર કરશે તો તેઓ ફરીથી સંપૂર્ણ સ્તરે લશ્કરી અભિયાન શરૂ કરી શકે છે. એવું માનવામાં આવે છે કે જાન્યુઆરીમાં સેનેટ અને હાઉસ પર ડેમોક્રેટ્સનું નિયંત્રણ થવાની શક્યતાને ધ્યાનમાં રાખીને ટ્રમ્પ તે પહેલાં જ કોઈ નિર્ણય લઈ શકે છે.

