ભારતે થોડા વર્ષ અગાઉ જ કાશ્મીરમાં ત્રાસવાદ પર શિકંજો કસવા ઓપરેશન ઓલઆઉટ ચલાવ્યું હતું.અને મોટાભાગની ત્રાસવાદી ઘટનાઓ બંધ પણ થઇ હતી.પરંતુ જે દેશ પાસે ખાવા અનાજ નથી પરંતુ આજેપણ તે ભારતની બરબાદીના સપનાઓ જોવાનું ચૂકતો નથી.અને આ મુદ્દે તે તેની હેસિયત પણ ભૂલી જાય છે.અને હાલમાં જ ભારતમાં યોજાયેલ લોકસભાની ચૂંટણીમાં લોકોએ સારું તેવું મતદાન કર્યું અને વળી જે પાકિસ્તાન પરસ્ત નેતાઓ હતા તેમને હાર પણ આપી.જેને પગલે વિશ્વમાં પણ એક મેસેજ ગયો કે, ધારા-370 રદ કરી તે હકીકતમાં કાશ્મીરની પ્રજાને ગમ્યું છે.ત્યારે ભારતની આ શાંતિ જેનાથી જોઈ નથી જાતી તેવા પાકિસ્તાનના પેટમાં તેલ રેડાયું છે.
અને તેથી જ તેણે લોકસભા ચૂંટણી દરમિયાન આતંકવાદી હુમલા સાથે આતંક મચાવવાની તૈયારીઓ શરૂ કરી દીધી હતી, પરંતુ તેમાં સફળતા મળી ન હતી. હવે જ્યારે તેઓ સરહદ પાર કરી રહ્યા હતા, ત્યારે જમ્મુમાં શ્રેણીબદ્ધ હુમલાઓ શરૂ થઈ ગયા. પહેલા રિયાસીમાં શ્રદ્ધાળુઓની બસ પર હુમલો, પછી કઠુઆમાં ફાયરિંગ અને પછી ડોડામાં આર્મી પોસ્ટ પર હુમલો, આ આતંકવાદી ઘટનાઓ કંઈક ઈશારો કરી રહી છે. ન્યૂઝ વેબસાઈટ આજ તક અનુસાર, આ તમામ હુમલા પાછળ પાકિસ્તાનનો સીધો હાથ છે. પાકિસ્તાની ગુપ્તચર એજન્સી ISIએ પોતાની રણનીતિ બદલી છે. નવી વ્યૂહરચના હેઠળ ISI કાશ્મીર ખીણને બદલે જમ્મુ વિસ્તારમાં આતંક ફેલાવવાની યોજના સાથે આગળ વધી રહી છે.
ત્યારે આ મુદ્દે એક પ્રસિદ્ધ ચેનલે સૂત્રોને ટાંકીને અહેવાલ આપ્યો છે કે ISIએ જમ્મુને નિશાન બનાવવા માટે ‘ફાલ્કન 50’ પ્રોજેક્ટ શરૂ કર્યો છે. આ અંતર્ગત પાકિસ્તાન અધિકૃત કાશ્મીર (પીઓકે)માં આતંકવાદીઓના એક જૂથને તાલીમ આપવામાં આવી રહી છે અને તક મળતા જ રક્તપાતમાં માહેર બની ગયેલા આતંકવાદીઓને સરહદ પાર કરી દેવામાં આવે છે. સૂત્રોના જણાવ્યા અનુસાર જમ્મુના સાંબા સેક્ટરની સરહદ આ દિવસોમાં પાકિસ્તાની આતંકવાદીઓનો અડ્ડો બની ગઈ છે. ત્યાં આતંકવાદીઓનું એક જૂથ સરહદ પાર કરવા માટે દરેક ક્ષણની રાહ જોતા રહે છે. આઈએસઆઈએ પહેલા તો લોકસભાની ચૂંટણી દરમિયાન આતંકવાદી હુમલા કરીને સરકાર વિરુદ્ધ વાતાવરણ ઊભું કરવાની યોજના બનાવી હતી, પરંતુ આતંકવાદીઓને સરહદ પાર કરાવવામાં તે સફળ થઈ ન હતી. હવે જ્યારે પાકિસ્તાન પ્રાયોજિત આતંકવાદીઓ સરહદ પાર કરવામાં સફળ થયા છે ત્યારે સતત ત્રણ ઘટનાઓ સામે આવી છે.
જમ્મુ-કાશ્મીરમાં બદલાવના કારણે પાકિસ્તાન ચિંતિત છે
વાસ્તવમાં, લોકસભા ચૂંટણી બાદ જમ્મુ-કાશ્મીર વિધાનસભાની ચૂંટણી થોડા મહિનામાં યોજાવા જઈ રહી છે. પાકિસ્તાની એજન્સી ISI આને એક તક માની રહી છે. લોકસભા ચૂંટણીમાં જમ્મુ અને કાશ્મીરમાં મતદાનના રેકોર્ડ તૂટવાથી ચિંતિત પાકિસ્તાન એ સુનિશ્ચિત કરવા માંગે છે કે જમ્મુ અને કાશ્મીરના લોકોમાં લોકશાહીમાંનો વિશ્વાસ સતત બગડે નહીં. આ કારણોસર, તે રક્તપાતની બર્બરતા દ્વારા લોકોમાં ભયનું વાતાવરણ ઉભું કરવા માંગે છે જેથી કરીને વિધાનસભાની ચૂંટણી દરમિયાન મતદારો તેમના ઘરોમાં છુપાયેલા રહે.
આતંકવાદીઓ આ રીતે તેમના ગંતવ્ય સુધી પહોંચતા રહેશે
પાકિસ્તાન ઈચ્છે છે કે જમ્મુ-કાશ્મીરમાંથી અનુચ્છેદ 370 હટાવ્યા બાદ વિકાસના સપના જોઈ રહેલા અને ભયના વાતાવરણમાંથી બહાર આવી રહેલા સામાન્ય લોકોની આકાંક્ષાઓ ચકનાચૂર થઈ જાય. આ હેતુ માટે, તે આતંકવાદી હુમલા દ્વારા બતાવવાનો પ્રયાસ કરી રહ્યો છે કે કલમ 370 હટાવવાથી જમ્મુ-કાશ્મીરમાં શાંતિ લાવવાનો દાવો ખોટો છે. તે રાજ્યના લોકોને તેમજ આંતરરાષ્ટ્રીય સમુદાયને ગેરમાર્ગે દોરવાનો પ્રયાસ કરી રહ્યો છે. ફાલ્કન 50 પ્રોજેક્ટ દ્વારા પોતાના ઉદ્દેશ્યને હાંસલ કરવાનો પ્રયાસ કરી રહેલી ISI સતત આંચકોનો સામનો કરી રહી છે. ભારતીય સેના આતંકીઓને શોધીને ખતમ કરી રહી છે.
જો કે ભારત હવે તેની સુરક્ષા વ્યવસ્થાને લઈને એલર્ટ મોડમાં છે.અને લશ્કર પણ ફરી ઓપેરશન ઓલ આઉટના મૂડમાં જ છે.આ મચ્છરો છે કે, જેમને લોહી ચૂસવાની ટેવ પડી ગયેલ હોય છે. અને તેથી જ તેઓ આવા હુમલાઓના ફિરાકમાં હોય છે.અને આવા હુમલા થકી ભારતને કે ભારતના જવાનોને શહીદ કરી તેમની ખૂની પ્યાસ બુજાવે છે. ત્યારે ભારતે પણ વિના યુદ્ધે પોતાના સૈનિકોને આમ શહીદ થવા દેવા તે એક પડકાર છે કે જે જીલે જ છૂટકો છે.પણ યાદ રાખજો ખૂની દરિંદાઓ તમારું મોત કાળજા કંપાવી નાખનાર જ હશે.આ નવું ભારત છે.અહીંના જવાનોના લોહીમાં પણ એટલી જ દેશદાઝ છે.કે જેનો સ્વાદ તમારા સાથીઓ ઓપરેશન ઓલ આઉટમાં ચાખી ચુક્યા છે.
by : Reena brahmbhatt
