નવી દિલ્હી, તા. 16 : ક્રિકેટ અનિશ્ચિતતાની રમત છે. છેલ્લો દડો ફેંકાઈ ન જાય અને મેચ પૂરી ન થાય ત્યાં સુધી કયારે શું ઉલટફેર થઈ જાય કહેવાય નહીં. આવી જ એક રોમાંચક ટી-10 રમાઇ છે, જેમાં ઓસ્ટ્રિયાએ 1 ઓવરમાં 41 અને ર ઓવરમાં 61 રન ફટકારી અકલ્પનીય જીત મેળવી હતી.
ઓસ્ટ્રિયા અને રોમાનિયા વચ્ચે ટી-10 મુકાબલામાં રોમાનિયાએ પહેલાં બેટિંગમાં આવતાં 10 ઓવરમાં 168 રનનો જુમલો ખડકયો હતો. રોમાનિયા મુકાબલો જીતી જશે તે 8 ઓવર સુધી નિશ્ચિત હતુ, પરંતુ ઓસ્ટ્રિયાએ છેલ્લી બે ઓવરમાં જીતવા જરૂરી 61 રન બનાવી લીધા અને એક દડો બાકી હતો ત્યારે લક્ષ્યાંક સિદ્ધ કર્યો હતો. 8 ઓવર વખતે ઓસ્ટ્રિયાનો સ્કોર 3 વિકેટે 107 હતો અને છેલ્લી બે ઓવરમાં 61 રનની જરૂર હતી. સુકાની ઈકબાલે 19 દડામાં અણનમ 7ર રન ફટકાર્યા હતા. ઈમરાન આસિફે 1ર દડામાં અણનમ રર રન બનાવ્યા હતા.
