World Boxing Championship: ભારતીય હેવીવેઇટ બોક્સર નુપુર શિયોરન સેમિફાઇનલમાં પહોંચીને વર્લ્ડ બોક્સિંગ ચેમ્પિયનશિપમાં ભારતનો પહેલો મેડલ કન્ફર્મ કર્યો છે. નુપુરે મહિલાઓની 80 કિગ્રાથી વધુ વજનની શ્રેણીમાં ઉઝબેકિસ્તાનની ઓલ્ટિનોય સોટિમ્બોઇવાને હરાવીને સેમિફાઇનલમાં જગ્યા બનાવી હતી. દિગ્ગજ બોક્સર હવા સિંહની પૌત્રી નુપુરે સોટિમ્બોઇવાને 4-1થી હરાવી હતી.
ક્વાર્ટર ફાઇનલમાં જદુમણી-અભિનાશ
આ જીત સાથે, નુપુરે ઓછામાં ઓછો બ્રોન્ઝ મેડલ કન્ફર્મ કર્યો છે. આ શ્રેણીમાં ફક્ત 10 બોક્સર ભાગ લઈ રહ્યા છે. મંગળવારે રાત્રે, જદુમણી સિંહ (48 કિગ્રા) અને અભિનાશ જામવાલ (65 કિગ્રા) એ પુરુષોની ક્વાર્ટર ફાઇનલમાં સરળ જીત સાથે પ્રવેશ કર્યો. જોકે, જુગ્નુ અહલાવત (85 કિગ્રા) ની ઝુંબેશ સ્કોટલેન્ડના રોબર્ટ મેકનલ્ટી સામે પ્રથમ રાઉન્ડમાં હાર સાથે સમાપ્ત થઈ.
