Para Powerlifting World Cup India wins four medals: પેરા પાવરલિફ્ટિંગ વર્લ્ડ કપના પહેલા દિવસે ભારતે સારું પ્રદર્શન કરીને ચાર મેડલ જીત્યા જેમાં એક ગોલ્ડ, એક સિલ્વર અને બે બ્રોન્ઝનો સમાવેશ થાય છે. આ ટુર્નામેન્ટમાં 40 થી વધુ દેશોના ટોચના પેરા પાવરલિફ્ટર્સ ભાગ લઈ રહ્યા છે અને તે 2026 વર્લ્ડ ચેમ્પિયનશિપ અને 2028 પેરાલિમ્પિક ગેમ્સ માટે ક્વોલિફાઇંગ ઇવેન્ટ છે.
ગુલફામ અહમદે અત્યંત સ્પર્ધાત્મક પુરુષોની એલિટ 59 કિગ્રા શ્રેણીમાં બ્રોન્ઝ મેડલ સાથે ભારતનું ખાતું ખોલ્યું. તેણે પોતાના પહેલા પ્રયાસમાં 145 કિગ્રા વજન ઉપાડ્યું અને ત્યારબાદ બીજા પ્રયાસમાં 151 કિગ્રા વજન ઉઠાવીને તેનું શ્રેષ્ઠ પ્રદર્શન કર્યું. ગુલફામનો 153 કિગ્રાનો ત્રીજો પ્રયાસ રદ કરવામાં આવ્યો હતો પરંતુ તેનો બીજો પ્રયાસ ભારતને ટુર્નામેન્ટનો પહેલો મેડલ અપાવવા માટે પૂરતો હતો.
પુરુષોની એલિટ 72 કિગ્રા શ્રેણીમાં, રામુભાઈ બાંભવાએ પોતાના પહેલા પ્રયાસમાં 151 કિગ્રા વજન ઉપાડીને ભારતના ખાતામાં બીજો બ્રોન્ઝ મેડલ ઉમેર્યો. જોકે તેના આગામી બે પ્રયાસો ૧૫૫ અને ૧૫૬ કિગ્રા માન્ય ન રહ્યા, તેમ છતાં તેનો શરૂઆતનો પ્રયાસ તેને પોડિયમ પર સ્થાન અપાવી ગયો. અનુભવી વેઇટલિફ્ટર જોબી મેથ્યુએ માસ્ટર્સ કેટેગરીમાં શાનદાર પ્રદર્શન કર્યું. તેણે કુલ વજનમાં ગોલ્ડ અને શ્રેષ્ઠ વજન માટે સિલ્વર મેડલ જીત્યો. ૧૪૦ કિગ્રાની અસફળ શરૂઆત પછી, તેણે ૧૪૫ અને ૧૫૦ કિગ્રા વજન ઉપાડીને વાપસી કરી.
૩૦૦૦ મીટર દોડમાં સુધારો થયો રેકોર્ડ
રવિવારે મદન મોહન માલવિયા સ્પોર્ટ્સ કોમ્પ્લેક્સ ખાતે શરૂ થયેલી ત્રણ દિવસીય ૨૩મી રાષ્ટ્રીય જુનિયર (અંડર-૨૦) ફેડરેશન એથ્લેટિક્સ ચેમ્પિયનશિપના પહેલા દિવસે લાંબા અંતરના દોડવીરોએ પોતાનો જલવો દર્શાવ્યો. સવારના સત્રમાં, આઠ પુરુષ દોડવીરોએ ૩૦૦૦ મીટર દોડમાં સ્પર્ધાના અગાઉના રેકોર્ડમાં સુધારો કર્યો. તમિલનાડુના કવિનરાજ એસએ કુલદીપ કુમારના ૫.૧૦ મીટરના અગાઉના સ્પર્ધા રેકોર્ડને તોડીને પુરુષોની પોલ વોલ્ટ ઇવેન્ટમાં પણ ગોલ્ડ મેડલ જીત્યો. તેણે ૫.૧૧ મીટર સાથે પ્રથમ સ્થાન મેળવ્યું.
પુરુષોની 3,000 મીટર દોડમાં આઠ દોડવીરોએ 2021માં પંજાબના સંગરુરમાં અજય દ્વારા બનાવેલા 8:26.72 ના અગાઉના રેકોર્ડમાં સુધારો કર્યો હતો. જોકે, મધ્યપ્રદેશના વિનોદ સિંહે 8:14.22 સેકન્ડના સમય સાથે ગોલ્ડ મેડલ જીતવા માટે પોતાના હરીફોને પાછળ છોડી દીધા. હરિયાણાના હિમાંશુએ પુરુષોની 100 મીટર દોડમાં 10.49 સેકન્ડના સમય સાથે ગોલ્ડ મેડલ જીત્યો. મહિલાઓની 100 મીટર દોડ ઉત્તરપ્રદેશની નિપમે 11.86 સેકન્ડના સમય સાથે જીતી.