PM મોદી ફ્રાન્સ જશે, બેસ્ટિલ ડે પરેડમાં મુખ્ય અતિથિ તરીકે સામેલ થશે
ભારત અને ફ્રાન્સ વચ્ચેના દ્વિપક્ષીય સંબંધો વધુ મજબૂત થઈ રહ્યા છે. હવે સમાચાર આવ્યા છે કે વડાપ્રધાન મોદી જુલાઈમાં ફ્રાન્સ જશે. આ દરમિયાન તેઓ ફ્રાન્સની સૌથી મોટી અને સૌથી જૂની સૈન્ય પરેડ બેસ્ટિલ ડે પરેડમાં મુખ્ય અતિથિ તરીકે હાજરી આપશે. ભારતીય સેનાની ટુકડી પણ પરેડમાં ભાગ લેશે.
બંને દેશો વચ્ચેના વ્યૂહાત્મક સંબંધોને 25 વર્ષ પૂર્ણ થયા છે
ભારત અને ફ્રાન્સ વ્યૂહાત્મક સંબંધોના 25 વર્ષ પૂર્ણ કરી રહ્યા છે.આ જ કારણ છે કે ફ્રાન્સના રાષ્ટ્રપતિ ઈમેન્યુઅલ મેક્રોને પીએમ મોદીને દર વર્ષે 14 જુલાઈના રોજ યોજાનારી બેસ્ટિલ ડે પરેડમાં મુખ્ય અતિથિ તરીકે હાજરી આપવા આમંત્રણ આપ્યું હતું, જેને પીએમ મોદીએ સ્વીકારી લીધું છે.
આ પ્રસંગે ભારતીય સુરક્ષા દળોની ટીમ પણ ફ્રાન્સની આ સૈન્ય પરેડમાં ભાગ લેશે. ભારત અને ફ્રાન્સ વ્યૂહાત્મક, સાંસ્કૃતિક, વૈજ્ઞાનિક, શૈક્ષણિક અને આર્થિક ક્ષેત્રે સહયોગ વધારી રહ્યા છે અને PM મોદીની ફ્રાન્સ મુલાકાત બંને દેશોના સંબંધો માટે ખૂબ જ મહત્વપૂર્ણ માનવામાં આવે છે.
બેસ્ટિલ ડે પરેડ શું છે
પરંતુ રોષે ભરાયેલા ટોળાએ હુમલો કરીને તેને પકડી લીધો હતો. આ ઘટનાને ફ્રેન્ચ ક્રાંતિની શરૂઆત માનવામાં આવે છે. આ જ કારણ છે કે 1880 થી લગભગ દર વર્ષે 14 જુલાઈએ ફ્રાન્સમાં બેસ્ટિલ ડે પરેડનું આયોજન કરવામાં આવે છે. આ દરમિયાન પેરિસમાં સૈન્ય પરેડ કાઢવામાં આવે છે અને આતશબાજી કરવામાં આવે છે. આ દિવસને ફ્રાન્સના ઈતિહાસમાં સૌથી મહત્વપૂર્ણ દિવસ માનવામાં આવે છે. આ જ કારણ છે કે આ પરેડમાં પીએમ મોદીનું મુખ્ય અતિથિ બનવું એ ભારત-ફ્રાન્સના સંબંધોને મજબૂત બનાવવાનું ઉદાહરણ છે.
