Check WhatsApp Block Status: વોટ્સએપ આપણી રોજબરોજની જિંદગીનો મહત્વનો હિસ્સો બની ગયું છે. મિત્રો, પરિવાર કે ઓફિસના લોકો સાથે વાત ન થઈ શકે અને મેસેજનો જવાબ ન આવે, તો સૌથી પહેલા એ જ વિચાર આવે છે કે ક્યાંક સામેવાળી વ્યક્તિએ આપણને બ્લોક તો નથી કરી દીધા ને? જોકે, WhatsApp પોતે ક્યારેય સીધી રીતે નથી જણાવતું કે કોઈએ તમને બ્લોક કર્યા છે કે નહીં, પરંતુ કેટલીક બાબતો જાણીને તમે તેનો અંદાજ લગાવી શકો છો. ચાલો જાણીએ કેવી રીતે-
કેવી રીતે ખબર પડે કે તમે બ્લોક છો કે નહીં?
Last Seen જુઓ: જો પહેલા તમે કોઈ કોન્ટેક્ટનું ‘Last Seen’ જોઈ શકતા હતા અને હવે અચાનક દેખાતું બંધ થઈ ગયું છે, તો આ એક સંકેત હોઈ શકે છે. બ્લોક થવા પર સામેવાળી વ્યક્તિનું Last Seen તમને દેખાતું નથી.
WhatsApp Bio ન દેખાવું: કોઈનું ‘About’ અથવા ‘Bio’ જો પહેલા દેખાતું હતું અને હવે બિલકુલ ગાયબ છે, તો આ પણ બ્લોક હોવાનો ઈશારો હોઈ શકે છે. બ્લોક કરાયેલા યુઝર્સને આ જાણકારી દેખાતી નથી.
Status અપડેટ ન દેખાવું: જો સામેવાળી વ્યક્તિ WhatsApp Status મૂકતી હતી અને હવે તેનું કોઈ પણ સ્ટેટસ તમને નથી દેખાઈ રહ્યું, તો સમજી લેવું કે કંઈક ગડબડ હોઈ શકે છે. બ્લોક થવા પર તમે તે વ્યક્તિના સ્ટેટસ જોઈ શકતા નથી.
Profile Photo ગાયબ થવો: બ્લોક થવા પર સામેવાળી વ્યક્તિનો પ્રોફાઇલ ફોટો દેખાવાનો બંધ થઈ જાય છે અને તેની જગ્યાએ માત્ર ગ્રે રંગનો ડિફોલ્ટ આઇકન નજરે પડે છે.
મેસેજ પર માત્ર એક ટીક: આ સૌથી સામાન્ય સંકેત છે. જો તમારા મેસેજ પર માત્ર એક ગ્રે ટીક (Sent) દેખાય છે અને લાંબા સમય સુધી બે ટીક નથી થતી, તો હોઈ શકે છે કે તમને બ્લોક કરી દેવામાં આવ્યા હોય. બ્લોક થવા પર મેસેજ ડિલિવર થતો નથી.
કોલ ન લાગવો: જો તમે વારંવાર WhatsApp કોલ કે વીડિયો કોલ કરવાની કોશિશ કરો છો અને કોલ કનેક્ટ જ નથી થતો, તો આ પણ એક સંકેત હોઈ શકે છે. બ્લોક કરેલા કોન્ટેક્ટ્સને કોલ લાગતા નથી.
ગ્રુપમાં એડ કરવામાં મુશ્કેલી: આ બધાથી અલગ જો તમે કોઈ વ્યક્તિને WhatsApp ગ્રુપમાં ઉમેરવાની કોશિશ કરો અને તે વારંવાર ફેલ થઈ જાય, તો આ પાક્કો સંકેત છે. બ્લોક થવા પર તમે તે વ્યક્તિને કોઈ ગ્રુપમાં એડ કરી શકતા નથી.
આ રીતે તમે આ ૭ બાબતો પર ધ્યાન આપીને જાણી શકો છો કે સામેવાળી વ્યક્તિએ તમને બ્લોક કર્યા છે કે નહીં.
