Audi SQ8 Launch Price Features: ઓડી ઇન્ડિયાએ ભારતીય બજારમાં પરફોર્મન્સની સાથે જ લક્ઝરી ઈચ્છતા લોકો માટે પોતાની નવી SUV SQ8 લોન્ચ કરી દીધી છે, જેની એક્સ-શોરૂમ કિંમત આશરે 1.78 કરોડ રૂપિયા છે. 4.0 લિટરનું ટ્વિન-ટર્બો V8 પેટ્રોલ એન્જિન, 507 HPની પાવર અને માત્ર 4.1 સેકન્ડમાં 0-100 કિમીની ઝડપ પકડતી આ કારની બુકિંગ 5 લાખ રૂપિયાના ટોકન અમાઉન્ટ સાથે શરૂ થઈ ગઈ છે.
ઓડી Q8 સિરીઝની ખાસ રજૂઆત, મર્સિડીઝ અને પોર્શે સાથે મુકાબલો
ભારતમાં પરફોર્મન્સ SUVની વધતી માંગ વચ્ચે ઓડી ઇન્ડિયાએ નવી SQ8 રજૂ કરી છે. તેની એક્સ-શોરૂમ કિંમત 1,77,72,000 રૂપિયા છે. આ કાર સ્ટાન્ડર્ડ Q8 કરતા 68 લાખ રૂપિયા મોંઘી અને હાઈ-પરફોર્મન્સ RS Q8 કરતા 56 લાખ રૂપિયા સસ્તી છે. ભારતીય બજારમાં તેનો મુકાબલો મર્સિડીઝ બેન્ઝ GLE 53 AMG Coupe અને પોર્શે Cayenne GTS જેવી SUV સાથે થશે.
લુક અને ડિઝાઇન
ઓડી SQ8 ના લુકની વાત કરીએ તો, આ SUV કૂપે (Coupe) ડિઝાઇન ધરાવે છે. તે બ્લુ, બ્લેક, ગ્રે, વ્હાઇટ, રેડ, સિલ્વર અને ગોલ્ડ સહિત 8 એક્સટિરિયર કલર ઓપ્શનમાં ઉપલબ્ધ છે. આ ઉપરાંત 5 ‘ઓડી એક્સક્લુઝિવ’ કલર ઓપ્શન પણ મળશે.
ફ્રન્ટ: સિંગલ ફ્રેમ હનીકોમ્બ ગ્રિલ, જે એલ્યુમિનિયમ ફિનિશ અથવા ગ્લોસ બ્લેક માસ્ક સાથે આવે છે.
લાઇટિંગ: HD મેટ્રિક્સ LED હેડલાઇટ્સ અને રિયરમાં OLED ટેલલાઇટ્સ.
વ્હીલ્સ: 21 ઇંચથી લઈને 22 ઇંચ સુધીના એલોય વ્હીલ્સ.
અન્ય: S-સ્પેસિફિક બમ્પર, સિલ્વર ફિનિશ ORVMs અને બ્લેક SQ8 બેજિંગ.
ફીચર્સ જોઈને દિલ ખુશ થઈ જશે
આ 5004 mm લાંબી SUV છે, જેમાં 2998 mmનો વ્હીલબેઝ અને 604 લિટરની બૂટ સ્પેસ મળે છે.
ઇન્ટિરિયર: ઓલ બ્લેક થીમ વાળું ઇન્ટિરિયર જે અલ્કેન્ટારા લેધરથી સજ્જ છે.
ડિસ્પ્લે: 12.3 ઇંચનું ઓડી વર્ચ્યુઅલ કોકપિટ પ્લસ, 10.1 ઇંચની ટચસ્ક્રીન ઇન્ફોટેનમેન્ટ અને 8.6 ઇંચની લોઅર ટચસ્ક્રીન.
સાઉન્ડ: 17-સ્પીકર વાળું Bang & Olufsen 3D સાઉન્ડ સિસ્ટમ.
સેફ્ટી: 8 એરબેગ્સ, 360 ડિગ્રી કેમેરા અને લેવલ-2 ADAS (એડવાન્સ્ડ ડ્રાઈવર આસિસ્ટન્સ સિસ્ટમ).
લક્ઝરી: પેનોરમિક સનરૂફ, 30 કલર એમ્બિયન્ટ લાઈટિંગ અને હેડ્સ-અપ ડિસ્પ્લે.
પાવર અને પરફોર્મન્સ
એન્જિન: 4.0 લિટર ટ્વિન-ટર્બો V8 પેટ્રોલ એન્જિન.
પાવર: 500 hp પાવર અને 770 Nm પીક ટોર્ક જનરેટ કરે છે.
ટ્રાન્સમિશન: 8-સ્પીડ ઓટોમેટિક ગિયરબોક્સ અને કંપનીની પ્રખ્યાત ‘ક્વોટ્રો’ (quattro) ઓલ-વ્હીલ-ડ્રાઇવ સિસ્ટમ.
ઝડપ: માત્ર 4.1 સેકન્ડમાં 0 થી 100 કિમી પ્રતિ કલાકની ઝડપ. તેની ટોપ સ્પીડ 250 kmph છે.
ડ્રાઇવિંગ: બહેતર અનુભવ માટે એડેપ્ટિવ એર સસ્પેન્શન, ઓલ-વ્હીલ સ્ટીયરિંગ અને એક્ટિવ રોલ સ્ટેબિલાઇઝેશન જેવા ફીચર્સ આપવામાં આવ્યા છે.
