Jaguar Type 01: Jaguar એ પોતાની સૌથી શક્તિશાળી ઇલેક્ટ્રિક કાર Type 01 રજૂ કરી, 720 KMની રેન્જ અને 1,016 hpની પાવર

Jaguar Type 01: બ્રિટિશ કાર નિર્માતા કંપની Jaguarએ પોતાની નવી પેઢીની પ્રથમ ઓલ-ઇલેક્ટ્રિક ફોર-ડોર ગ્રાન્ડ ટૂરર Type 01 રજૂ કરી છે. આ કાર Jaguarના નવા Jaguar Electric Architecture (JEA) પ્લેટફોર્મ પર આધારિત પ્રથમ પ્રોડક્શન કાર છે. તેને સંપૂર્ણ રીતે UKમાં ડિઝાઇન અને એન્જિનિયર કરવામાં આવી છે અને તેનું ઉત્પાદન 2027થી JLRના સોલિહલ પ્લાન્ટમાં શરૂ થશે. કારના નામમાં Type Jaguarની ઐતિહાસિક કારોને દર્શાવે છે, 0 શૂન્ય પ્રદૂષણનું પ્રતીક છે અને 1 નવી પેઢીના પ્રથમ મોડલને દર્શાવે છે.

1,016 hp પાવર અને રૉકેટ જેવી ઝડપ

Jaguar Type 01 અત્યાર સુધીની સૌથી શક્તિશાળી Jaguar રોડ કાર છે.

• ટ્રિપલ-મોટર સેટઅપ – તેમાં ત્રણ ઇલેક્ટ્રિક મોટર્સ અને ઇન્ટેલિજન્ટ ટોર્ક વેક્ટરિંગ સિસ્ટમ આપવામાં આવી છે, જે મળીને 1,016 hp પાવર અને 1,365 Nm ટોર્ક જનરેટ કરે છે.
• ઝડપ – આ ઇલેક્ટ્રિક કાર માત્ર 3.2 સેકન્ડમાં 0થી 100 કિલોમીટર પ્રતિ કલાકની ઝડપ પકડી શકે છે. જ્યારે 100થી 180 કિલોમીટર પ્રતિ કલાકની ઝડપ પકડવામાં તેને માત્ર 4.0 સેકન્ડનો સમય લાગે છે.
• 50:50 વેઇટ ડિસ્ટ્રિબ્યુશન – વધુ સારી હેન્ડલિંગ અને કમ્ફર્ટ માટે તેમાં Jaguar TCS રેસિંગ ફોર્મ્યુલા E ટીમની ટેક્નોલોજીનો ઉપયોગ કરવામાં આવ્યો છે.

બેટરી, રેન્જ અને સુપરફાસ્ટ ચાર્જિંગ

• 118 kWh બેટરી પેક – તેમાં 850-વોલ્ટની ઇલેક્ટ્રિક આર્કિટેક્ચર સાથે 118 kWhનું બેટરી પેક આપવામાં આવ્યું છે.
• લાંબી રેન્જ – WLTP સાયકલ હેઠળ આ કાર એક વખત સંપૂર્ણ ચાર્જ કર્યા પછી 720 કિલોમીટર સુધીની રેન્જ આપી શકે છે. EPA રેન્જ 643 કિલોમીટર સુધી છે.
• 13 મિનિટમાં 321 KMની રેન્જ – આ કાર 350 kW DC રેપિડ ફાસ્ટ ચાર્જિંગને સપોર્ટ કરે છે, જેના કારણે માત્ર 13 મિનિટના ચાર્જિંગમાં 321 કિલોમીટર સુધીની રેન્જ મળી જાય છે.

24-ઇંચ OLED સ્ક્રીન અને લક્ઝરી કેબિન

• 4-સીટર કેબિન – કારની અંદર 4 લોકોના બેસવાની જગ્યા છે, જેની વચ્ચે બ્રાસ ફિનિશવાળી સેન્ટ્રલ સ્પાઇન બનાવવામાં આવી છે.
• 24-ઇંચ OLED ડિસ્પ્લે – ડ્રાઇવર માટે ડેશબોર્ડ પર 24-ઇંચનું મોટું ગ્લાસ OLED ડિસ્પ્લે આપવામાં આવ્યું છે. આ ઉપરાંત રોજિંદા ફીચર્સ માટે 7-ઇંચની સ્માર્ટફોન-સ્ટાઇલ ટચસ્ક્રીન અલગથી આપવામાં આવી છે.
• પેનોરમિક સાઉન્ડબાર – કેબિનમાં ફુલ-વિડ્થ પેનોરમિક સાઉન્ડબાર અને સેન્સરી ઓડિયો સીટ્સ આપવામાં આવી છે, જે કાર ઉદ્યોગમાં પ્રથમ વખત જોવા મળ્યાં છે.

કિંમત અને ક્યારે શરૂ થશે ડિલિવરી

• કિંમત – UKમાં તેની શરૂઆતની કિંમત £130,000 GBP એટલે કે આશરે ₹1.66 કરોડ રૂપિયા રાખવામાં આવી છે.
• બુકિંગ અને ડિલિવરી – Jaguar 2027ની શરૂઆતમાં તેની બુકિંગ શરૂ કરશે અને ગ્રાહકોને કારની ડિલિવરી 2027ના બીજા છમાસિક ગાળામાં મળવાની શરૂઆત થશે.