New Hyundai Exter: હ્યુન્ડાઈ મોટર ઈન્ડિયાએ ભારતમાં તેની લોકપ્રિય માઈક્રો SUV કાર એક્સ્ટર (Exter) નું નવું 2026 ફેસલિફ્ટ મોડલ લોન્ચ કરી દીધું છે. 2023માં પ્રથમ વખત લોન્ચ થયા બાદ આ કારનું આ પહેલું મોટું અપડેટ છે, જેમાં નવી ડિઝાઇન, બહેતર સુરક્ષા અને ઘણા આધુનિક ફીચર્સ ઉમેરવામાં આવ્યા છે. એક્સ્ટરનું નવું મોડલ પહેલા કરતા વધુ આકર્ષક બન્યું છે. નવી એક્સ્ટરની એક્સ-શોરૂમ કિંમત 5.79 લાખથી શરૂ થઈને ટોપ મોડલ માટે 9.41 લાખ રૂપિયા સુધી જાય છે. ચાલો તમને તેની વિશેષતાઓ વિશે વિગતવાર જણાવીએ.
1. માર્કેટમાં આ ગાડીઓને આપશે ટક્કર
નવી એક્સ્ટરના લોન્ચિંગ સાથે જ તેનું બુકિંગ પણ શરૂ થઈ ગયું છે. ગ્રાહકો તેને ઓનલાઈન અથવા નજીકની હ્યુન્ડાઈ ડીલરશીપ પર જઈને બુક કરી શકે છે. તેની ડિલિવરી પણ આ મહિનાના અંત સુધીમાં શરૂ થઈ જશે. માર્કેટમાં નવી એક્સ્ટરનો સીધો મુકાબલો ટાટા પંચ, મારુતિ ફ્રોન્ક્સ અને નિસાન મેગ્નાઈટ જેવી કારો સાથે છે.
2. નવી ડિઝાઇન અને લુક્સ
કારનો આગળનો ભાગ હવે પહેલા કરતા વધુ પહોળો દેખાય છે. તેમાં નવું બમ્પર, બ્લેક રેડિએટર ગ્રીલ અને નવા 15-ઈંચના ડાયમંડ-કટ એલોય વ્હીલ આપવામાં આવ્યા છે. કારમાં પાછળની તરફ ટેલગેટને નવો લુક આપવામાં આવ્યો છે અને તેમાં નવું વિંગ-ટાઈપ સ્પોઈલર પણ ઉમેરાયું છે. સાથે જ હવે તે બે નવા રંગો ગોલ્ડન બ્રોન્ઝ (Golden Bronze) અને ટાઈટેનિયમ બ્લેક મેટ (Titanium Black Matte) માં પણ ઉપલબ્ધ થશે.
3. કેબિન અને ઇન્ટિરિયર
કારની અંદર હવે નેવી અને ગ્રે કલરની ડ્યુઅલ-ટોન થીમ મળશે. ડેશબોર્ડ પર 3D કાર્બન-પેટર્ન ફિનિશ આપવામાં આવી છે. સાથે જ કારમાં D-કટ સ્ટીયરિંગ વ્હીલ, મેટલ પેડલ્સ અને ડ્રાઈવર માટે ફોલ્ડ થઈ શકે તેવું આર્મરેસ્ટ આપવામાં આવ્યું છે. હાઈટ એડજસ્ટેબલ ડ્રાઈવર સીટ અને પાછળની સીટો માટે હેડરેસ્ટ જેવા ફીચર્સ તમામ મોડલમાં સ્ટાન્ડર્ડ તરીકે આપવામાં આવ્યા છે.
4. સેગમેન્ટ ફર્સ્ટ ફીચર્સ
નવી એક્સ્ટરમાં ઘણા એવા ફીચર્સ છે જે આ સેગમેન્ટમાં પહેલીવાર જોવા મળશે:
આ સેગમેન્ટમાં પહેલીવાર કારમાં કંપની ફિટેડ ડેશકેમ (Dashcam) મળશે.
કનેક્ટિવિટી માટે વાયરલેસ એન્ડ્રોઇડ ઓટો અને એપલ કારપ્લે.
60થી વધુ બ્લુલિંક (Bluelink) ફીચર્સ અને 300થી વધુ એવા વોઈસ કમાન્ડ જે ઇન્ટરનેટ વગર કામ કરે છે.
ઇલેક્ટ્રિક સનરૂફ, ડિજિટલ ઇન્સ્ટ્રુમેન્ટ ક્લસ્ટર અને રિયર ટાઇપ-સી USB પોર્ટ.
5. 45થી વધુ સેફ્ટી ફીચર્સ
નવી એક્સ્ટરમાં સુરક્ષાનું ખાસ ધ્યાન રાખવામાં આવ્યું છે. તેમાં 45થી વધુ સેફ્ટી ફીચર્સ આપવામાં આવ્યા છે, જેમાંથી 30 ફીચર્સ તમામ વેરિઅન્ટ્સમાં સ્ટાન્ડર્ડ (શરૂઆતના મોડલથી જ) ઉપલબ્ધ છે. આમાં 6 એરબેગ્સ, ઇલેક્ટ્રોનિક સ્ટેબિલિટી કંટ્રોલ (ESC) અને હિલ-સ્ટાર્ટ આસિસ્ટ (HAC) નો સમાવેશ થાય છે.
6. એન્જિન અને પરફોર્મન્સ
પેટ્રોલ: આમાં 1.2-લિટરનું 4-સિલિન્ડર એન્જિન છે જે 83 hp પાવર આપે છે. હ્યુન્ડાઈનો દાવો છે કે આ સેગમેન્ટમાં આ એકમાત્ર કાર છે જેમાં 4-સિલિન્ડર એન્જિન આપવામાં આવ્યું છે. તે મેન્યુઅલ અને AMT (ઓટોમેટિક) બંને વિકલ્પોમાં ઉપલબ્ધ છે.
CNG: આમાં ડ્યુઅલ-સિલિન્ડર વાળું CNG વેરિઅન્ટ પણ ઉપલબ્ધ છે. ખાસ વાત એ છે કે હવે સ્પેર વ્હીલ (સ્ટેપની) ને ગાડીની નીચે ફીટ કરવામાં આવ્યું છે, જેનાથી તમને 225 લિટરની બૂટ સ્પેસ (સામાન રાખવાની જગ્યા) મળી રહે છે.
