Chanda Kochhar પછી Videoconના ચેરમેન વેણુગોપાલ ધૂતની ધરપકડ, ICICI બેંક ફ્રોડ કેસમાં CBIએ કરી કાર્યવાહી
સેન્ટ્રલ બ્યુરો ઑફ ઇન્વેસ્ટિગેશન (CBI) એ આજે ICICI બેંક ફ્રોડ કેસમાં વીડિયોકોનના ચેરમેન વેણુગોપાલ ધૂતની ધરપકડ કરી છે. સીબીઆઈના જણાવ્યા અનુસાર આ કાર્યવાહી બેંક ફ્રોડ કેસમાં કરવામાં આવી રહી છે.
તમને જણાવી દઈએ કે આ પહેલા આ કેસમાં ICICIના પૂર્વ સીઈઓ ચંદા કોચર અને તેમના પતિ દીપક કોચરની ધરપકડ કરવામાં આવી હતી.
CBI કોર્ટમાં રજૂ કરાશે
કોચરની પૂછપરછ બાદ ધૂતની મુંબઈમાં ધરપકડ કરવામાં આવી છે. સીબીઆઈ તેમને મુંબઈની વિશેષ સીબીઆઈ કોર્ટમાં રજૂ કરશે. તપાસ એજન્સી તેમની કસ્ટોડિયલ રિમાન્ડની માંગણી કરશે. તમને જણાવી દઈએ કે ધૂત પર આરોપ લગાવવામાં આવ્યો હતો કે ICICI બેંક લિમિટેડે ટ્રેન્ડ ઈલેક્ટ્રોનિક્સ લિમિટેડ, સેન્ચ્યુરી એપ્લાયન્સ લિમિટેડ, કૅલ લિમિટેડ, વેલ્યુ ઈન્ડસ્ટ્રીઝ લિમિટેડ અને ઈવાન ફ્રેઝર એન્ડ કંપની ઈન્ડિયા લિમિટેડને લગભગ 3,250 કરોડ રૂપિયાની ક્રેડિટ સુવિધાઓ મંજૂર કરી હતી.
આ છે આરોપ
એવો આરોપ છે કે ICICI બેન્ક લિમિટેડના અધિકારીઓએ બેન્કિંગ રેગ્યુલેશન એક્ટ, RBI ગાઈડલાઈન્સ અને બેન્કની ક્રેડિટ પોલિસીનું ઉલ્લંઘન કરીને આ કંપનીઓને ક્રેડિટ સુવિધાઓ મંજૂર કરી હતી. આરોપો એવા હતા કે ધૂતે સુપ્રીમ એનર્જી પ્રાઈવેટ લિમિટેડ (SEPL) દ્વારા ન્યુપાવર રિન્યુએબલ્સ લિમિટેડ (NRL) માં રૂ. 64 કરોડનું રોકાણ કર્યું હતું અને SEPL ને દીપક કોચર દ્વારા સંચાલિત પિનેકલ એનર્જી ટ્રસ્ટમાં ખોટી રીતે ટ્રાન્સફર કર્યું હતું.
