Income Tax New Rules: વર્ષ 2025 ટેક્સ આપનારાઓ માટે ઘણી રીતે અલગ રહ્યું. ઇનકમ ટેક્સના નિયમોમાં ફેરફાર થયા, ટેક્સ સ્લેબ અને રિબેટને લઈને નવી વાતો સામે આવી. આની સીધી અસર સામાન્ય લોકોના ખિસ્સા પર પડી. વળી, આઈટીઆર (ITR) ફાઈલ કરતી વખતે ટેકનિકલ મુશ્કેલીઓના કારણે ઘણા લોકોને રિફંડ માટે રાહ જોવી પડી, જેનાથી તેમની પરેશાની વધી ગઈ. વર્ષ 2025 હવે પૂરું થવા જઈ રહ્યું છે. નવા વર્ષમાં પ્રવેશ કરતા પહેલા આ ફેરફારો વિશે જાણવું જરૂરી છે, જેથી આવનારા સમયમાં આપણે આપણા ટેક્સ પ્લાનિંગની તૈયારી વધુ સારી રીતે કરી શકીએ. ચાલો જાણીએ, આ મુખ્ય ફેરફારો વિશે….
1. કેન્દ્ર સરકારે બદલ્યા ટેક્સ સ્લેબ
કેન્દ્ર સરકાર તરફથી મધ્યમ વર્ગના લોકોને રાહત આપવા માટે ટેક્સ સ્લેબમાં ફેરફારનો ઐતિહાસિક નિર્ણય લેવામાં આવ્યો. 2025 ના યુનિયન બજેટમાં ટેક્સ-ફ્રી ઇનકમની મર્યાદા વધારવામાં આવી. નવા ટેક્સ સ્લેબ મુજબ રિબેટની મર્યાદા 12 લાખ રૂપિયા કરી દેવામાં આવી. એટલે કે નોકરી કરતા લોકોને સ્ટાન્ડર્ડ ડિડક્શન પછી 12.75 લાખ રૂપિયાની આવક પર ટેક્સ આપવો પડશે નહીં.
2. ITR ફોર્મમાં કરવામાં આવ્યા ફેરફાર
આઈટીઆર ફોર્મમાં કરવામાં આવેલા માળખાગત ફેરફારો અને સિસ્ટમ અપડેટના કારણે ઘણા ટેક્સપેયર્સને રિફંડ મળવામાં વિલંબ થયો. મ્યુચ્યુઅલ ફંડ, શેર અને પ્રોપર્ટી સાથે જોડાયેલા કેપિટલ ગેઈનના આવકના કિસ્સાઓમાં વધુ મુશ્કેલીઓ સામે આવી, જેના કારણે કરદાતાઓને પરેશાનીનો સામનો કરવો પડ્યો.
3. ઇનકમ ટેક્સ કાયદામાં મોટો ફેરફાર
2025 ના સૌથી મોટા ફેરફારોમાં નવો ઇનકમ ટેક્સ એક્ટ સામેલ છે. આ કાયદો આશરે 60 વર્ષ જૂના ઇનકમ ટેક્સ એક્ટ, 1961 ની જગ્યા લેશે અને 1 એપ્રિલ 2026 થી લાગુ કરવામાં આવશે. નવા કાયદામાં ટેક્સ સિસ્ટમને સરળ બનાવવા પર ભાર મૂકવામાં આવ્યો છે, જેથી સામાન્ય ટેક્સપેયર્સને નિયમ સમજવામાં સરળતા રહે.
4. કેપિટલ ગેઈન્સ ટેક્સના નિયમો બદલાયા
કેપિટલ ગેઈન્સ ટેક્સને લઈને સરકાર તરફથી 2025 માં મોટા ફેરફાર કરવામાં આવ્યા. ઇક્વિટી પર શોર્ટ ટર્મ કેપિટલ ગેઈન્સ પર લાગતા ટેક્સને 15 ટકાથી વધારીને 20 ટકા કરવાનો નિર્ણય લેવામાં આવ્યો. વળી, ટેક્સ ફ્રી લોન્ગ ટર્મ કેપિટલ ગેઈન્સને 1.25 લાખ રૂપિયા સુધી વધારવામાં આવ્યો છે.
5. જીએસટી (GST) રિફોર્મનો નિર્ણય
કેન્દ્ર સરકાર તરફથી GST 2.0 ની શરૂઆત કરવામાં આવી. આ હેઠળ ઇનડાયરેક્ટ ટેક્સ સિસ્ટમમાં મોટો ફેરફાર કરવાનો નિર્ણય લેવામાં આવ્યો છે. જીએસટી રિફોર્મમાં ઘણી જરૂરી વસ્તુઓ પર જીએસટી ઓછો કરવાની જાહેરાતને ઘણી ચર્ચાઓ મળી છે.
