CIBIL Score Improvement: બેંકમાંથી લોન લેવી હોય કે EMI (હપ્તા) પર કોઈ વસ્તુ ખરીદવી હોય, દરેક જગ્યાએ તમારો સિબિલ સ્કોર (CIBIL Score) જોવામાં આવે છે. આ તમારો નાણાકીય વ્યવહાર દર્શાવતા અરીસા જેવું કામ કરે છે અને તમારી નાણાકીય આદતો વિશે ઘણું બધું કહી જાય છે.
એક સારો સિબિલ સ્કોર તમને ઓછા વ્યાજ પર લોન અપાવવામાં અથવા નવું ક્રેડિટ કાર્ડ મેળવવામાં મદદ કરે છે. તેથી, જરૂરી છે કે તમારો સિબિલ સ્કોર સારો રહે. આવો જાણીએ, એવી કેટલીક સરળ રીતો વિશે જે તમારો સિબિલ સ્કોર સરળતાથી વધારી શકે છે:
1. બિલની ચૂકવણી સમયસર કરો (ચૂકશો નહીં)
તમારા EMI અને ક્રેડિટ કાર્ડ વગેરેનું બિલ સમયસર ચૂકવવું તમારા સિબિલ સ્કોર માટે ખૂબ જ સારું છે. જો તમે આમ ન કરો તો તમારો સિબિલ સ્કોર ગગડી શકે છે.
તમારા બિલની ચુકવણી માટે તમે રિમાઇન્ડર સેટ કરી શકો છો અથવા ઓટો પે (Auto Pay) વિકલ્પનો ઉપયોગ કરી શકો છો.
જો તમે તમારી EMI ની તારીખ ભૂલી જાઓ છો, તો ઓટો પે ઓપ્શનથી તમારા બેંક ખાતામાંથી પૈસાની કપાત આપમેળે થઈ જાય છે, જેનાથી તમારો EMI ચૂકતો નથી.
2. વારંવાર લોન માટે અરજી કરવાનું ટાળો
તમારી વારંવાર લોન એપ્લાય કરવાની આદત તમારા સિબિલ સ્કોરને નીચે લાવી શકે છે.
જરૂર પડે ત્યારે જ લોન માટે અરજી કરવી જોઈએ.
ક્રેડિટ કાર્ડ માટે પણ ઘણીવાર અરજી કરવી તમારો સિબિલ સ્કોર ઘટાડી શકે છે.
તેથી, આ બાબતોનું ધ્યાન રાખીને, ખરેખર જરૂરી હોય ત્યારે જ લોન કે ક્રેડિટ કાર્ડ માટે અરજી કરવી જોઈએ.
3. ક્રેડિટ કાર્ડ લિમિટનો ઓછો ઉપયોગ કરો
દરેક ક્રેડિટ કાર્ડની ખર્ચ કરવાની એક લિમિટ હોય છે.
હંમેશા ક્રેડિટ કાર્ડની લિમિટનો 30 ટકાથી ઓછો ઉપયોગ કરવાનો પ્રયાસ કરવો જોઈએ. આનાથી તમારો સિબિલ સ્કોર સારો થાય છે.
30% સુધીની લિમિટનો ઉપયોગ કરવો એ તમારી નાણાકીય બાબતો પ્રત્યેની જવાબદારી દર્શાવે છે.
આ કારણોસર, બેંક કે ફાઇનાન્સ કંપની તમારા લોન આવેદનને સરળતાથી મંજૂર કરી દે છે.
