ECB proposals: માર્ચ ૨૦૨૫ માં, ભારતીય રિઝર્વ બેંકને ભારતીય કંપનીઓ, જેમાં નોન-બેંકિંગ નાણાકીય કંપનીઓનો પણ સમાવેશ થાય છે, પાસેથી બાહ્ય વાણિજ્યિક ઉધાર (ECB) માટે ૧૧.૦૪ બિલિયન ડોલર એકત્ર કરવાના પ્રસ્તાવો મળ્યા છે. જે છેલ્લા ૭૨ મહિનામાં સૌથી વધુ માસિક રકમ છે.
રિઝર્વ બેંકના ડેટા અનુસાર, માર્ચ ૨૦૨૫ માં ઓટોમેટિક રૂટ દ્વારા ભંડોળ એકત્ર કરવાનો હેતુ ૮.૩૪ બિલિયન ડોલર હતો અને મંજૂરી રૂટ દ્વારા ૨.૬૯ બિલિયન ડોલર હતો.
ડેટા દર્શાવે છે કે નાણાકીય વર્ષ ૨૦૨૫માં કુલ ECB ઓફરિંગ ૬૧.૧૮ બિલિયન ડોલર હતું. આ દરખાસ્તો નાણાકીય વર્ષ ૨૪ માં ૪૮.૮૧ બિલિયન ડોલર અને નાણાકીય વર્ષ ૨૩ માં ૨૫.૯૮ બિલિયન ડોલરથી વધુ હતી.
માર્ચ ૨૦૨૫માં રિઝર્વ બેંકને અરજી કરનારી મુખ્ય કંપનીઓમાં JSW સ્ટીલ લિમિટેડનો સમાવેશ થાય છે, જેણે તેના જૂના ECB ને ફરીથી ભંડોળ પૂરું પાડવા માટે ૯૦૦ મિલિયન ડોલરના ECB માટે અરજી કરી હતી. ક્ડ ઓઇલ અને કુદરતી ગેસના વ્યવસાયમાં કામ કરતી સરકારી કંપની ONGC વિદેશ લિમિટેડે ૪૫૦ મિલિયન ડોલર એકત્ર કરવા માટે અરજી કરી છે.
સંયુક્ત સાહસો અને સંપૂર્ણ માલિકીની પેટાકંપનીઓમાં રોકાણ કરવા માટે ૧૫૦ મિલિયન ડોલરના બીજા ECB માટે અરજી કરી હતી. રાજ્ય સંચાલિત ONGC ના એકમ, મેંગલોર રિફાઇનરી અને પેટ્રોકેમિકલ્સ લિમિટેડે ECB દ્વારા એકત્ર કરાયેલા ભંડોળને ફરીથી ફાઇનાન્સ કરવા માટે ૫૦૦ મિલિયન ડોલરના ECB માટે અરજી કરી હતી.