Health Insurance Portability: ભારતમાં અનેક સંસ્થાઓ અને કંપનીઓ હેલ્થ ઈન્શ્યોરન્સની સુવિધા આપે છે. જોકે, ઘણી વખત એવું બને છે કે પૉલિસીધારકને સમયસર આ સુવિધાનો લાભ મળી શકતો નથી. એટલે કે તેમનો ક્લેમ રિજેક્ટ થઈ જાય છે. તેના અનેક કારણો હોઈ શકે છે. બીજી તરફ, તેના કારણે પૉલિસીધારકો પરેશાન પણ થઈ જાય છે. આવી સ્થિતિમાં તમારે ગભરાવાની કોઈ જરૂર નથી.
દેશની વીમા નિયમનકારી સંસ્થા એટલે કે ઈન્શ્યોરન્સ રેગ્યુલેટરી એન્ડ ડેવલપમેન્ટ ઑથોરિટી ઑફ ઈન્ડિયા (IRDAI)એ પૉલિસીધારકોને વીમા કંપનીઓની મનમાનીથી સુરક્ષિત રાખવા માટે હેલ્થ ઈન્શ્યોરન્સ પોર્ટેબિલિટી (Health Insurance Portability)ની સુવિધા આપી છે. આવો, તેના વિશે જાણીએ. તેની સાથે એ પણ જાણીશું કે તમે તમારા હેલ્થ ઈન્શ્યોરન્સને એક કંપનીમાંથી બીજી કંપનીમાં કેવી રીતે બદલી શકો છો.
શું છે હેલ્થ ઈન્શ્યોરન્સ પોર્ટેબિલિટી?
હેલ્થ ઈન્શ્યોરન્સ પોર્ટેબિલિટીની વાત કરીએ તો આ હેલ્થ ઈન્શ્યોરન્સને એક કંપનીમાંથી બીજી કંપનીમાં બદલવાની એક વિશેષ સુવિધા છે. તેના દ્વારા તમે તમારી વર્તમાન હેલ્થ ઈન્શ્યોરન્સ પૉલિસીને કોઈ નુકસાન વિના બીજી વીમા કંપનીમાં ટ્રાન્સફર કરી શકો છો. હેલ્થ ઈન્શ્યોરન્સ પોર્ટેબિલિટીની વિશેષતા એ છે કે આ ફેરફાર અથવા વીમા ટ્રાન્સફર કર્યા પછી તમને અગાઉની પૉલિસીમાં મળતા લાભો જેવા કે વેઇટિંગ પીરિયડ, નો ક્લેમ બોનસ અગાઉની જેમ ચાલુ રહેશે.
એટલે કે આપણે કહી શકીએ કે હેલ્થ ઈન્શ્યોરન્સ પોર્ટેબિલિટી કોઈપણ પાત્ર ગ્રાહકને વેઇટિંગ પીરિયડ, ક્રેડિટ અને નો ક્લેમ બોનસ જેવા લાભો ગુમાવ્યા વિના પોતાની હેલ્થ ઈન્શ્યોરન્સ પૉલિસીને એક વીમા કંપનીમાંથી બીજી વીમા કંપનીમાં સ્વિચ કરવાની મંજૂરી આપે છે.
કેવી રીતે કરવો હેલ્થ ઈન્શ્યોરન્સ પોર્ટ?
- સૌથી પહેલાં તમે નવી ઈન્શ્યોરન્સ કંપનીની સત્તાવાર વેબસાઇટ પર જાઓ, જેમાં તમે તમારો જૂનો હેલ્થ ઈન્શ્યોરન્સ પોર્ટ કરાવવા માંગો છો.
- હવે તમે જે પણ હેલ્થ ઈન્શ્યોરન્સ ખરીદવા માંગો છો, તેને પસંદ કરો.
- ત્યારબાદ તમે પ્રપોઝલ ફોર્મ ભરો.
- આ દરમિયાન તમે માંગવામાં આવેલા દસ્તાવેજો જેવા કે વર્તમાન હેલ્થ ઈન્શ્યોરન્સ પૉલિસીના દસ્તાવેજો, આઈડેન્ટિટી પ્રૂફ, મેડિકલ રિપોર્ટ અને પ્રીમિયમ રસીદ આપો.
- ફોર્મ ભર્યા બાદ નવી ઈન્શ્યોરન્સ કંપની તેની સમીક્ષા કરશે અને તમારા મેડિકલ ક્લેમ તથા તેના ઇતિહાસ માટે તમારી અગાઉની વીમા કંપનીનો સંપર્ક કરશે.
- ત્યારબાદ તમારે તમારી વર્તમાન હેલ્થ ઈન્શ્યોરન્સ કંપનીને 7 વર્કિંગ ડેની અંદર માહિતી શેર કરવી પડશે.
- અગાઉની વીમા કંપની પાસેથી તમામ જરૂરી માહિતી અને દસ્તાવેજો મેળવ્યા બાદ તમારી નવી ઈન્શ્યોરન્સ કંપની તમામ વિગતોની સમીક્ષા કરશે.
- ત્યારબાદ 15 દિવસની અંદર તમારા હેલ્થ ઈન્શ્યોરન્સ પોર્ટેબિલિટી અરજીને સ્વીકારવામાં આવી કે અસ્વીકાર કરવામાં આવી તેની માહિતી મળી જશે.
- જો તમારી અરજી સ્વીકારવામાં આવી હોય તો હવે તમે કોઈપણ ઓનલાઈન પેમેન્ટ દ્વારા પ્રીમિયમની ચુકવણી શરૂ કરી શકો છો.
હેલ્થ ઈન્શ્યોરન્સ પોર્ટેબિલિટી માટે જરૂરી દસ્તાવેજો
હેલ્થ ઈન્શ્યોરન્સ પોર્ટેબિલિટી માટે જરૂરી દસ્તાવેજો માંગવામાં આવે છે. તેમાં ઓળખપત્ર (આધાર કાર્ડ, મતદાર ઓળખપત્ર, પાસપોર્ટ, પાન કાર્ડ વગેરે), વર્તમાન હેલ્થ ઈન્શ્યોરન્સ યોજનાના કાગળો, પ્રીમિયમ રસીદ, મેડિકલ રિપોર્ટ વગેરેનો સમાવેશ થાય છે.
