China Manufacturing Costs: ચીન બે દાયકાથી વધુ સમયથી વૈશ્વિક અર્થતંત્રનું એન્જિન બની રહ્યું છે. દુનિયાભરની કંપનીઓ ચીનમાં માલનું ઉત્પાદન કરાવીને સમગ્ર વિશ્વમાં વેચે છે. તેનું કારણ એ છે કે અમેરિકા અને યુરોપની સરખામણીમાં ચીનમાં માલનું ઉત્પાદન કરાવવું ઘણું સસ્તું પડે છે. જર્મનીની કાર કંપની ફોક્સવેગનની બે ફેક્ટરીઓના ઉદાહરણથી આ વાત સરળતાથી સમજી શકાય છે. કંપનીની એક ફેક્ટરી જર્મનીના એમ્ડેનમાં છે, જ્યારે બીજી ફેક્ટરી ચીનના તિયાનજિનમાં છે.
BILDએ ફોક્સવેગનની આ બે ફેક્ટરીઓની સરખામણી કરી છે. એમ્ડેનમાં મજૂરીનો ખર્ચ પ્રતિ કલાક 74 યુરો છે, જ્યારે ચીનના પ્લાન્ટમાં કંપનીએ પ્રતિ કલાક માત્ર 12 યુરો મજૂરી ચૂકવવી પડે છે. એ જ રીતે, એમ્ડેનમાં કામદાર વર્ષ દરમિયાન 1,282 કલાકથી વધુ કામ કરી શકતો નથી, જ્યારે ચીનની ફેક્ટરીમાં વાર્ષિક કામના કલાકો 2,065 છે. એટલે કે, ચીનમાં કામદાર પાસે દર વર્ષે લગભગ 800 કલાક વધુ કામ કરાવી શકાય છે.
🚗 Volkswagen factory in Germany vs China
Labor cost per hour
🇩🇪 Emden: €74
🇨🇳 Tianjin: €12
Annual working hours per worker
🇩🇪 Emden: 1,282
🇨🇳 Tianjin: 2,065
Sick leave rate
🇩🇪 Emden: 10.5%
🇨🇳 Tianjin: 1.0%
Cars built per employee per year
🇩🇪 Emden: 29
🇨🇳 Tianjin: 51.3
Factory cost per vehicle
🇩🇪 Emden: €4,850
🇨🇳 Tianjin: €1,078
Electricity cost per kWh
🇩🇪 Emden: €0.15–0.23
🇨🇳 Tianjin: €0.06–0.10
Source: BILD, Deutsche Welle (September 2026)
— World of Statistics (@stats_feed) October 11, 2026
ફેક્ટરીનો ખર્ચ
એ જ રીતે, એમ્ડેનની ફેક્ટરીમાં માંદગીની રજા 10.5 ટકા છે, જ્યારે તિયાનજિનની ફેક્ટરીમાં માંદગીની રજા માત્ર 1 ટકા છે. એમ્ડેનની ફેક્ટરીમાં દરેક કામદાર વર્ષ દરમિયાન 29 કાર બનાવે છે, જ્યારે ચીનની ફેક્ટરીમાં પ્રતિ કામદાર વાર્ષિક ઉત્પાદનક્ષમતા 51.3 કાર છે. એમ્ડેનમાં પ્રતિ વાહન ફેક્ટરીનો ખર્ચ 4,850 યુરો છે, જ્યારે ચીનમાં આ ખર્ચ 1,078 યુરો છે. એમ્ડેનમાં પ્રતિ કિલોવૉટ વીજળીનો ખર્ચ 0.15થી 0.23 યુરો છે, જ્યારે તિયાનજિનમાં તે 0.06થી 0.10 યુરો છે.
જોકે, આર્થિક વિકાસ, જીવનધોરણમાં સુધારો અને સરકાર દ્વારા લઘુત્તમ વેતનમાં વધારો કરવાને કારણે છેલ્લા દાયકામાં ચીનમાં ફેક્ટરીના કામદારોના વેતનમાં નોંધપાત્ર વધારો થયો છે. દેશમાં ફેક્ટરીના કામદારોનું સરેરાશ વેતન વધીને પ્રતિ કલાક આશરે $7થી $8 થઈ ગયું છે. બીજી તરફ, ભારતમાં તે પ્રતિ કલાક $1.10થી $2.00, વિયેતનામમાં $2.30થી $3.50 અને ઇન્ડોનેશિયામાં $2.80 છે. એટલે કે, પડોશી દેશોની સરખામણીમાં ચીનમાં મજૂરીનો ખર્ચ ઘણો મોંઘો થઈ ગયો છે.
