ITR Refund Delay: જો તમને FY25નું ITR રિફંડ હજુ સુધી મળ્યું નથી, તો ચિંતા ન કરો, તમે એકલા નથી. મોટી સંખ્યામાં ટેક્સપેયર્સને હજુ પણ પોતાનું રિફંડ નથી મળ્યું અને તેઓ સતત પોર્ટલ પર ચેક કરી રહ્યા છે. CBDT ચેરમેન રવિ અગ્રવાલે હાલમાં જ કહ્યું કે, ઘણા રિટર્ન્સમાં અસામાન્ય દાવા જોવા મળ્યા છે, જેની ઊંડી તપાસ ચાલી રહી છે. આ જ કારણ છે કે, કેટલાક નાના રિફંડ વહેલા મળી રહ્યા છે, પરંતુ મોટા રિફંડ ઓટોમેટેડ સિસ્ટમના કારણે વિલંબનો સામનો કરી રહ્યા છે.
કેમ થઈ રહ્યો છે વિલંબ?- ટેક્સબડી.કોમના ફાઉન્ડર બાંગડે જણાવ્યું કે, મોટા રિફંડવાળા ITRsમાં સિસ્ટમ ઘણીવાર વધારે તપાસ માટે રિટર્ન રોકી દે છે. આ તપાસ પૂરી રીતે ઓટોમેટેડ થાય છે અને આમાં ઘણીવાર વધારે સમય લાગે છે.
રિફંડમાં વિલંબના મુખ્ય કારણ- રિટર્નમાં અંકગણિત ભૂલ, ખોટો દાવો અથવા ખોટી કપાત, સમયમર્યાદા પછી દાવો કરાયેલા ખર્ચ, બેંક ખાતાની ચકાસણી પૂર્ણ થઈ નથી.
ગત વર્ષના ટેક્સ એડજસ્ટમેન્ટ- વિભાગના અનુસાર રિફંડ બેચેજમાં પ્રોસે થાય છે. એટલા માટે મોટા રિફંડ્સને ક્લિયર થવામાં વધારે સમય લાગી શકે છે, જ્યારે નાના રિફંડમાં વહેલી આવી જાય છે.
ટેક્સપેયર્સે તરત પતાવવું પડશે આ કામ- સૌથી પહેલું પગલું એ છે કે, ટેક્સપેયર્સ સતત ઈનકમ ટેક્સ પોર્ટ ચેક કરે. ઘણીવાર ‘Worklist’ ટેબમાં એક કન્ફર્મેશન રિક્વેસ્ટ આવે છે, જેમાં એ પૂછવામાં આવે છે કે, તમે જે રિફંડ ક્લેમ કર્યું છે, તે સાચુ છે કે નહીં. જો કોઈ ડિડક્શન ખોટું ક્લેમ થયું છે, તો ટેક્સપેયરને રિટર્ન રિવાઈસ કરવાનો મોકો મળે છે.
ઘણીવાર બેંક એકાઉન્ટ વેલિડેશન પેન્ડિંગ હોય છે, જેના કારણે રિફંડ આવી નથી શકતું. આ ઉપરાંત, તમારી તરફથી કોઈ દસ્તાવેજ અપલોડ ન થયા અથવા રિટર્ન અગાઉના બાકી લેણાં સામે એડજસ્ટ કરવામાં આવ્યું હોઈ શકે છે – આ પણ કારણો હોઈ શકે છે. ટેક્સપેયર્સ ઈચ્છે તો તેમની ફરિયાદ સીધી પોર્ટલ પર નોંધાવી શકે છે અથવા CPC હેલ્પડેસ્કનો સંપર્ક કરી શકે છે.
