નવી દિલ્હી, શનિવાર
Thinkink Picturez share : શેરબજારમાં ગત શુક્રવારે ઘણા પેની સ્ટોકમાં તોફાની તેજી જોવા મળી હતી. આમાંથી એક પેની સ્ટોક- થિંકિંક પિક્ચર્સ લિમિટેડ (Thinkink Picturez Ltd) પણ છે. આ શેરની કિંમત 2 રૂપિયા કરતા પણ ઓછી છે. મીડિયા રિપોર્ટ અનુસાર, હવે આ કંપની રોકાણકારોને બોનસ શેર અને ડિવિડન્ડ આપવા પર વિચાર કરી રહી છે. આ માટે 16 ડિસેમ્બરે બોર્ડની બેઠક પણ યોજાવાની છે.
થિંકિંક પિક્ચર્સ લિમિટેડના શેરની વાત કરીએ તો શુક્રવારે BSE પર તે 1.84 રૂપિયાએ ખુલ્યો હતો, થિંકિંક પિક્ચર્સ લિમિટેડના શેરમાં શુક્રવારે અપર સર્કિટ પણ લાગી હતી. માર્કેટ બંધ થતી વખતે તેનો ભાવ 1.85 રૂપિયા હતો. એટલે કે તેમાં શુક્રવારે 4.52 ટકાનો વધારો જોવા મળ્યો હતો. આપને જણાવી દઈએ કે, ફેબ્રુઆરી 2024માં આ કંપનીના શેરનો ભાવ 11.75 રૂપિયા સુધી પહોંચી ગયો હતો. 5 ડિસેમ્બર 2024ના રોજ શેરનો ભાવ 1.70 રૂપિયાના નીચલા સ્તરે પહોંચી ગયો હતો. આ શેરની 52 સપ્તાહની સૌથી ઓછી કિંમત છે.
કંપનીનો શું છે પ્લાન?
Thinkink Picturesએ 5 ડિસેમ્બર 2024ના રોજ તેની બોર્ડ મીટિંગ વિશે માહિતી આપી હતી. આ બેઠક 16 ડિસેમ્બર 2024ના રોજ યોજાવાની છે. થિંકિંક પિક્ચર્સ અનુસાર, બોર્ડની બેઠકમાં રણનીતિક વિકાસ પહેલ પર ચર્ચા કરાશે. થિંકિંક પિક્ચર્સે જણાવ્યું કે, કંપનીનું બોર્ડ લાંબા ગાળાના વિકાસને આગળ ધપાવવા અને શેરધારકોના મૂલ્યને વધારવાના હેતુથી ઘણી રણનીતિક પહેલો પર ચર્ચા અને વિચાર-વિમર્શ કરશે.
બોનસ ઈશ્યુનો પ્રસ્તાવ (1:2)
થિંકિંક પિક્ચર્સ અનુસાર બોર્ડ પાત્ર શેરધારકો દ્વારા રાખવામાં આવેલા દરેક 1 શેર માટે 2 બોનસ શેર ઈશ્યૂ કરવાના પ્રસ્તાવ પર વિચાર કરશે.
100% ડિવિડન્ડની ઘોષણા
થિંકિંક પિક્ચર્સ અનુસાર, બોર્ડ ઇક્વિટી શેર પર 100% ડિવિડન્ડ જાહેર કરવાના પ્રસ્તાવ પર વિચાર-વિમર્શ કરશે.
કંપનીમાં પ્રમોટર્સનો હિસ્સો શૂન્ય
થિંકિંક પિક્ચર્સના જણાવ્યા અનુસાર, બોર્ડ હોલીવુડમાં પ્રવેશ કરીને વૈશ્વિક મનોરંજન બજારમાં વિસ્તરણ કરવા માટેની એક રણનીતિક પ્રસ્તાવનું પણ મૂલ્યાંકન કરશે. તમને જણાવી દઈએ કે આ કંપનીમાં પ્રમોટર્સનો હિસ્સો શૂન્ય છે. વૈશ્વિક રોકાણકાર BofA સિક્યોરિટીઝ યુરોપ SA – ODI કંપનીમાં 1.92 ટકા હિસ્સો ધરાવે છે. આ 5,69,311 શેરની સમકક્ષ છે.
