Unclaimed Money India: દેશભરમાં લાખો લોકોના પૈસા બિનદાવાવાળા (Unclaimed) પડ્યા છે. જેને હવે તેમના સાચા માલિક સુધી પહોંચાડવાની પહેલ ચાલી રહી છે. બુધવારે વડા પ્રધાન નરેન્દ્ર મોદીએ સોશિયલ મીડિયા પર કહ્યું કે ‘યોર મની, યોર રાઇટ’ હેઠળ અત્યાર સુધી ₹2,000 કરોડ ને તેમના સાચા માલિકો સુધી પહોંચાડવામાં આવ્યા છે.
આ પહેલની શરૂઆત ઓક્ટોબર 2025 માં થઈ હતી. પીએમ મોદીએ કહ્યું કે, આ અવસર પોતાની ભૂલી ગયેલી સંપત્તિને ફરીથી મેળવવાનો એક મોકો છે. તેમણે લોકોને અપીલ કરી છે કે, તેઓ ‘યોર મની, યોર રાઇટ’ મૂવમેન્ટનો હિસ્સો બને.
ભૂલાયેલા પૈસાની જાણકારી માટે 4 પોર્ટલ
બિનદાવાવાળી સંપત્તિને પાછી મેળવવા માટે સરકારે અલગ-અલગ પોર્ટલ તૈયાર કર્યા છે. જેની મદદથી તમે તમારા ભૂલી ગયેલા પૈસાની જાણકારી સરળતાથી પ્રાપ્ત કરી શકો છો. વિવિધ પ્રકારના બિનદાવાવાળા અમાઉન્ટ માટે અલગ-અલગ પોર્ટલ બનાવવામાં આવ્યા છે:
RBI નું UDGAM પોર્ટલ થી તમે બેંકમાં પડેલા બિનદાવાવાળા પૈસાની જાણકારી મેળવી શકો છો.
વળી, IRDAI નું બીમા ભરોસા પોર્ટલ વીમા પોલિસીઓ સાથે જોડાયેલા બિનદાવાવાળા પૈસા માટે,
SEBI નું MITRA પોર્ટલ મ્યુચ્યુઅલ ફંડમાં બિનદાવાવાળા અમાઉન્ટ માટે,
અને કોર્પોરેટ મંત્રાલયનું IEPFA પોર્ટલ ડિવિડન્ડ અને બિનદાવાવાળા શેર ને ક્લેમ કરવા માટે તૈયાર કરવામાં આવ્યું છે.
આ પોર્ટલોની મદદથી લોકો સરળતાથી જાણી શકે છે કે, તમારો પૈસો ક્યાં અટક્યો છે અને તેને ક્લેમ કરી શકે છે. આંકડાઓની વાત કરીએ તો, ભારતીય બેંકોમાં લગભગ ₹78,000 કરોડ રૂપિયા બિનદાવાવાળા પડ્યા છે. આ ઉપરાંત વીમા કંપનીઓ પાસે પણ લગભગ ₹14,000 કરોડ રૂપિયાની બિનદાવાવાળી રકમ છે.
477 જિલ્લાઓમાં ‘સુવિધા શિબિર’નું આયોજન
પીએમ મોદીએ જણાવ્યું કે, આ મૂવમેન્ટને સફળ બનાવવા માટે 477 જિલ્લાઓમાં સુવિધા શિબિરો લગાવવામાં આવ્યા છે. આ સુવિધા શિબિરોનું આયોજન દેશભરમાં ગ્રામીણ ક્ષેત્રોની સાથે-સાથે શહેરી ક્ષેત્રોમાં પણ કરવામાં આવ્યું છે. આ શિબિરોને ખાસ કરીને દૂર-દૂરના વિસ્તારોમાં લગાવવામાં આવ્યા છે, જેથી દરેક નાગરિક સુધી તેની પહોંચ થઈ શકે. સાથે જ વધારેમાં વધારે લોકોને તેનો લાભ મળે. પીએમએ જનતાને અપીલ કરી છે કે, તેમને પોતાના પરિવાર કે પોતે કરેલા બિનદાવાવાળા પૈસા કે રોકાણની જાણકારી લેવી જોઈએ.
