World First Trillionaire : હવે દુનિયામાં ખરબપતિ બનવાની દોડ શરૂ થઈ ગઈ છે. પહેલાં અબજોપતિ હોવું એ ખૂબ જ પ્રતિષ્ઠાની બાબત માનવામાં આવતી હતી, પરંતુ હવે સંપત્તિનું આ માપદંડ પણ જૂનું થતું જાય છે.
અહેવાલ મુજબ, આગામી પાંચ વર્ષમાં વિશ્વને પ્રથમ ખરબપતિ (Trillionaire) મળી શકે છે. રિપોર્ટમાં દાવો કરવામાં આવ્યો છે કે આગામી દાયકામાં ઓછામાં ઓછા 5 અબજોપતિઓની સંપત્તિ 1 ટ્રિલિયન ડોલર (૧ લાખ કરોડ રૂપિયા)નો આંકડો પાર કરશે.
અહેવાલમાં જણાવાયું છે કે ટેસ્લા અને સ્પેસએક્સના માલિક એલોન મસ્ક, જે હાલમાં વિશ્વના સૌથી ધનિક વ્યક્તિ છે અને યુએસ રાષ્ટ્રપતિ ડોનાલ્ડ ટ્રમ્પના મિત્ર છે, તેઓ પાંચ વર્ષથી ઓછા સમયમાં ખરબપતિ બની શકે છે.
બ્લૂમબર્ગ બિલિયોનેર્સ ઇન્ડેક્સ અનુસાર, મસ્કની વર્તમાન સંપત્તિ 449 બિલિયન ડોલર છે. 2024માં તેમની સંપત્તિમાં 203 બિલિયન ડોલરનો વધારો થયો છે, જેથી તેમની ટ્રિલિયનર બનવાની શક્યતાઓ વધુ મજબૂત થઈ ગઈ છે.
એલોન મસ્ક ઉપરાંત એમેઝોનના સ્થાપક જેફ બેઝોસ, મેટાના સીઈઓ માર્ક ઝુકરબર્ગ, ઓરેકલના સ્થાપક લેરી એલિસન અને ફ્રાન્સના સૌથી ધનિક વ્યક્તિ બર્નાર્ડ આર્નોલ્ટ પણ રેસમાં છે.
વિશ્વના 20 સૌથી ધનિક લોકોમાં ભારતના બે અગ્રણી ઉદ્યોગપતિઓના નામ પણ સામેલ છે. મુકેશ અંબાણી 94.6 અબજ ડોલરની નેટવર્થ સાથે 17મા ક્રમે છે, જ્યારે ગૌતમ અદાણી 76.0 અબજ ડોલરની નેટવર્થ સાથે 19મા ક્રમે છે. જો કે, આ બંને દિગ્ગજો હજુ પણ ટ્રિલિયનેર બનવાની રેસમાં ઘણા પાછળ છે.
