Highest Paying AI Jobs: સમગ્ર વિશ્વમાં આર્ટિફિશિયલ ઇન્ટેલિજન્સ (AI) ચર્ચાનો વિષય બન્યું છે, અને દરેક ઇન્ડસ્ટ્રીમાં ધીમે ધીમે AI પોતાનો પગપેસારો કરી રહ્યું છે. આના કારણે મોટા પાયે નવી નોકરીઓનું સર્જન પણ થઈ રહ્યું છે.
પ્રેસિડેન્સ રિસર્ચ મુજબ, અમેરિકામાં AI સેક્ટર, જે ૨૦૨૪ માં ૧૪૬.૦૯ અબજ ડૉલર નું હતું, તે ૨૦૩૪ સુધીમાં ૮૫૧.૪૬ અબજ ડૉલર નું થઈ જશે. આ દર્શાવે છે કે આ ક્ષેત્રમાં ભવિષ્યમાં મોટા પાયે નોકરીઓ ઊભી થવાની છે.
હાલમાં AI સેક્ટરમાં કુશળ લોકોની ભારે અછત છે, તેથી જે લોકો આ ક્ષેત્રમાં કામ કરી રહ્યા છે, તેમને ખૂબ જ ઊંચો પગાર આપવામાં આવી રહ્યો છે. અમેરિકાની નેક્સફર્ડ યુનિવર્સિટીએ AI થી સંબંધિત ૫ એવી નોકરીઓ વિશે જણાવ્યું છે, જેમાં લાખો રૂપિયાનો માસિક પગાર મળે છે:
૧. AI બિઝનેસ ડેવલપમેન્ટ મેનેજર
કામ: નવી બિઝનેસની શક્યતાઓને શોધવી અને AI નો ઉપયોગ કરીને કંપનીને આગળ વધારવી. નવા માર્કેટ શોધવા અને ત્યાંની કંપનીઓ સાથે પાર્ટનરશિપ કરવી.
સરેરાશ વાર્ષિક પગાર: ₹૧.૭૩ કરોડ
૨. કમ્પ્યુટર વિઝન એન્જિનિયર
કામ: કમ્પ્યુટરોને વિઝ્યુઅલ ડેટા (તસવીરો, ફિલ્મો) સમજવામાં અને તેની વ્યાખ્યા કરવામાં મદદ કરવી. AI પાવર્ડ મશીન લર્નિંગનો ઉપયોગ કરીને વિઝ્યુઅલ ડેટાને શોધવા અને તેને વર્ગીકૃત (Categorize) કરવાની સિસ્ટમ બનાવવી.
સરેરાશ વાર્ષિક પગાર: ₹૧.૫૦ કરોડ
૩. AI એન્જિનિયર
કામ: આર્ટિફિશિયલ ઇન્ટેલિજન્સ સિસ્ટમને તૈયાર કરવી અને લાગુ કરવી. AI મોડેલ, એલ્ગોરિધમ્સ બનાવવું, ડેટા પ્રોસેસિંગ અને ક્લીનિંગનું કામ જોવું.
સરેરાશ વાર્ષિક પગાર: ₹૧.૪૨ કરોડ
૪. ડીપ લર્નિંગ એન્જિનિયર
કામ: કમ્પ્યુટરોને એલ્ગોરિધમ આપવા માટે અલગ-અલગ રીતોનો ઉપયોગ કરવો, જેનાથી કમ્પ્યુટર મોટા ડેટામાંથી શીખી શકે. આ એન્જિનિયર્સ ડેટા સાયન્ટિસ્ટ અને અન્ય ટેક્નોલોજિસ્ટ સાથે મળીને કામ કરે છે.
સરેરાશ વાર્ષિક પગાર: ₹૧.૨૫ કરોડ
૫. AI રિસર્ચ સાયન્ટિસ્ટ
કામ: નવા અને ક્રિએટિવ સવાલો પૂછવા, જેના જવાબ માત્ર AI દ્વારા આપી શકાય. નવી AI ટેક્નોલોજી તૈયાર કરવી જેથી તેનો ઉપયોગ કરીને બિઝનેસ સરળ બની શકે.
સરેરાશ વાર્ષિક પગાર: ₹૧ કરોડ
