કેટલીક વાર પોતાની જ ચાલ કેવી પોતાને જ ભારે પડે છે તેનું ઉદાહરણ હાલ કેનેડામાં સ્ટુડન્ટ કેપના કારણે જોવા મળી રહ્યા છે.ગુજરાતીમાં તેથી જ કહેવત છે કે, ભેંસના સીંગડા ભેંસને ભારે પડે છે.હાલમાં તેની જ ભારત વિરોધી છબી અને ભારતીય સ્ટુડન્ટ્સ સાથેનું ઓરમાયું વર્તન તેને ભારે પડી રહ્યું છે.આંતરરાષ્ટ્રીય વિદ્યાર્થીઓની સંખ્યામાં ભારે ઘટાડો જોવા મળી રહ્યો છે. આ કારણે કેનેડિયન કોલેજો અને યુનિવર્સિટીઓને બજેટમાં ભારે કાપનો સામનો કરવો પડી રહ્યો છે. લંગારા કોલેજના પ્રમુખ પૌલા બર્ન્સે ગયા વર્ષની સરખામણીમાં આંતરરાષ્ટ્રીય અરજીઓમાં 79 ટકાનો ઘટાડો નોંધાવ્યો છે. વાનકુવર સનના અહેવાલ મુજબ, કોલેજના ફેકલ્ટી એસોસિએશનના સભ્યોએ પરિસ્થિતિને કટોકટી ગણાવી છે. તેને વિદ્યાર્થીઓની નોંધણીમાં ‘અચાનક અને તીવ્ર ઘટાડો’ તરીકે વર્ણવવામાં આવ્યું છે, જે દરેકને અસર કરશે. આંતરરાષ્ટ્રીય વિદ્યાર્થીઓમાં ઝડપી ઘટાડો વેતન, લાભો અને નોકરીઓને અસર કરશે.
લંગારામાં મોટાભાગના ભારતીય વિદ્યાર્થીઓ
લંગારા કોલેજ બ્રિટિશ કોલંબિયામાં સૌથી વધુ આંતરરાષ્ટ્રીય વિદ્યાર્થી ગુણોત્તર ધરાવે છે. લંગારા કોલેજના 37 ટકા વિદ્યાર્થીઓ સ્ટડી વિઝા પર અભ્યાસ કરે છે. ફેડરલ સરકારના ડેટા અનુસાર, કોલેજે ગયા વર્ષે લગભગ 7,500 આંતરરાષ્ટ્રીય વિદ્યાર્થીઓની નોંધણી કરી હતી. તેમાંથી મોટાભાગના ભારતના હતા. આ આંકડો કેનેડાની મોટી શૈક્ષણિક સંસ્થા સિમોન ફ્રેઝર યુનિવર્સિટી કરતાં પણ વધુ છે.
ઘણી કોલેજો મુશ્કેલીમાં છે
વિદ્યાર્થીઓની અછતનો સામનો કરતી લંગારા એકમાત્ર કોલેજ નથી. સિમોન ફ્રેઝર યુનિવર્સિટી, વિક્ટોરિયા યુનિવર્સિટી અને વાનકુવર આઇલેન્ડ યુનિવર્સિટી પણ આંતરરાષ્ટ્રીય વિદ્યાર્થીઓની ઘટતી સંખ્યાને કારણે બજેટમાં કાપની યોજના બનાવી રહી છે. આ સંસ્થાઓ માટે વિદેશી વિદ્યાર્થીઓનો ઉત્સાહ કારણ વગરનો નથી. વિદેશી વિદ્યાર્થીઓ સામાન્ય રીતે સ્થાનિક વિદ્યાર્થીઓ કરતાં ચાર ગણી વધુ ટ્યુશન ફી ચૂકવે છે. દરમિયાન, યુનિવર્સિટી ઓફ બ્રિટિશ કોલંબિયાએ જણાવ્યું હતું કે તેની નોંધણી બજેટ અંદાજો અનુસાર ચાલી રહી છે.
ઈન્ડો-કેનેડા સમાચાર જ્યારે ટ્રુડોના સંરક્ષણ પ્રધાન હરજીત સિંહ સજ્જને ખાલિસ્તાની પ્રત્યે પ્રેમ દર્શાવ્યો!
વિદેશી વિદ્યાર્થીઓ માટે ફી વધી શકે છે
કવાંટલેન પોલીટેકનિક યુનિવર્સિટીમાં કુલ નોંધણીના 38 ટકા આંતરરાષ્ટ્રીય વિદ્યાર્થીઓ છે. બ્રિટિશ કોલંબિયાની પોસ્ટ-સેકન્ડરી સંસ્થાઓમાં નોંધાયેલા 533,000 વિદ્યાર્થીઓમાંથી 40 ટકા આંતરરાષ્ટ્રીય વિદ્યાર્થીઓનું પ્રતિનિધિત્વ કરે છે, જે 150 દેશોનું પ્રતિનિધિત્વ કરે છે, વેનકુવર સન અહેવાલ આપે છે. આંતરરાષ્ટ્રીય વિદ્યાર્થીઓની ઘટતી સંખ્યાને પહોંચી વળવા કેનેડિયન કોલેજો હવે ફી વધારી શકે છે. બ્રિટિશ કોલંબિયા યુનિવર્સિટીમાં આંતરરાષ્ટ્રીય વિદ્યાર્થી ટ્યુશન ફીમાં દર વર્ષે $45,000 ચૂકવવાની અપેક્ષા રાખી શકે છે, જે સ્થાનિક વિદ્યાર્થીઓ કરતાં પાંચ ગણું વધારે છે.
