MBBS Doctor Salary: ડૉક્ટર, ભારત જ નહીં દુનિયાભરમાં સૌથી વધુ ડિમાન્ડ ધરાવતા વ્યવસાયોમાંનો એક છે. મેડિકલ પ્રેક્ટિશનર માત્ર આર્થિક રીતે મજબૂત હોતા નથી, પરંતુ સમાજમાં આપેલા તેમના અમૂલ્ય યોગદાનને કારણે તેમને ભગવાનનો દરજ્જો પણ આપવામાં આવે છે. અવારનવાર મેડિકલ ફિલ્ડમાં નીટ ડૉક્ટર તરીકે કરિયર બનાવવા માંગતા યુવાનોમાં એમબીબીએસ ડૉક્ટરની સેલરી જાણવા માટે જિજ્ઞાસા રહેલી હોય છે. મેડિકલ પ્રોફેશનલનો મહત્તમ પગાર કેટલો હોય છે? જે ડૉક્ટર્સ કોઈ ખાસ ક્ષેત્રમાં સ્પેશિયલાઈઝ્ડ હોય છે, તેમની શરૂઆતની સેલરી કેટલી હોય છે? સરકારી કે પ્રાઈવેટ ડૉક્ટર્સમાંથી કોની કમાણી વધુ હોય છે? મેડિકલનો અભ્યાસ કરી રહેલા સ્ટુડન્ટ્સ અને આ ફિલ્ડમાં જવા ઈચ્છુક યુવાનો વેતનની જાણકારી લઈ શકે છે.
એન્ટ્રી લેવલ એમબીબીએસ ડૉક્ટરની સેલરી
નીટ (NEET Exam) પછી મેડિકલનો અભ્યાસ પૂરો કરીને જ્યારે અભ્યાર્થી એન્ટ્રી લેવલ એમબીબીએસ ડૉક્ટર બને છે, ત્યારે તેમની સરકારી હોસ્પિટલમાં પ્રતિ માસ વેતન 50,000 થી 80,000 સુધી હોય છે. જોકે AIIMS હોસ્પિટલમાં આ વેતન મહત્તમ 1 લાખ સુધી પણ હોઈ શકે છે. જ્યારે પ્રાઈવેટ હોસ્પિટલમાં એન્ટ્રી લેવલ ડૉક્ટરની સેલરી 40,000 થી 70,000 સુધી હોઈ શકે છે. આમાં જગ્યા મુજબ ફેરફાર પણ થઈ શકે છે.
મિડ લેવલ એમબીબીએસ ડૉક્ટરનો પગાર
ડૉક્ટરના વ્યવસાયમાં જ્યારે 5 થી 10 વર્ષનો અનુભવ થઈ જાય છે તો ડૉક્ટર મિડ લેવલ (Mid Level Doctor) બની જાય છે. આ ડૉક્ટર્સની સેલરી 80,000 રૂપિયા થી 1,50,000 રૂપિયા સુધી હોઈ શકે છે. જ્યારે પ્રાઈવેટ હોસ્પિટલોમાં મિડ લેવલ એમબીબીએસ ડૉક્ટરની મંથલી સેલરી 1 લાખ થી 2 લાખ કે તેનાથી ઉપર પણ જઈ શકે છે.
સીનિયર એમબીબીએસ ડૉક્ટરની મંથલી સેલરી
10 વર્ષથી વધુ એક્સપિરિયન્સ થયા પછી ડૉક્ટર સીનિયર એમબીબીએસ ડૉક્ટર તરીકે સેવા આપવા લાગે છે. પદ સાથે તેમનો પગાર પણ તે અનુરૂપ વધે છે. ગવર્મેન્ટ હોસ્પિટલમાં સીનિયર એમબીબીએસ ડૉક્ટરની સેલરી 1.50 લાખ થી 2.5 લાખ રૂપિયા મહિના સુધી હોય છે. જ્યારે પ્રાઈવેટ હોસ્પિટલોમાં આ 2 લાખ થી 4 લાખ સુધી હોઈ શકે છે.
સુપર સ્પેશિયાલિસ્ટ ડૉક્ટર્સ કેટલું કમાય છે
એવા ડૉક્ટર્સ જેમને કામનો વધુ અનુભવ થઈ જાય છે, તેમને સુપર સ્પેશિયાલિસ્ટ ડૉક્ટર્સ (Super Specialists) કહે છે. પ્રાઈવેટ સેક્ટરમાં તેમનો મહિનાનો પગાર 5 લાખ થી 10 લાખ કે તેનાથી વધુ સુધી પણ હોઈ શકે છે. કેટલાક ડૉક્ટર્સ પોતાની ક્લિનિક પણ ખોલી લે છે. હોસ્પિટલ સિવાય આવકનો આ સ્ત્રોત અલગથી બની જાય છે.
એડમિનિસ્ટ્રેટિવમાં ડૉક્ટરની સેલરી
એવા ડૉક્ટર્સ જે હોસ્પિટલ કે મેડિકલ સંસ્થામાં ટોપ મેનેજમેન્ટ પદ પર સેવા આપે છે, તેમની મંથલી સેલરી તેમના કામ અને પદ મુજબ નક્કી થાય છે. આ મહિનાની 10 લાખ રૂપિયા કે તેનાથી વધુ પણ હોઈ શકે છે.
ડૉક્ટર્સની અહીં જણાવેલી પ્રતિ માસ સેલરીમાં ખાસ સ્કિલ, કામની લોકેશન, પે સ્કેલ વગેરે અન્ય કારણોને લીધે ફેરફાર પણ જોવા મળી શકે છે. અહીં માત્ર પ્રાઈવેટ અને સરકારી હોસ્પિટલમાં નોકરી કરી રહેલા એમબીબીએસ ડૉક્ટરનો પગાર જણાવવામાં આવ્યો છે. જો કોઈ ડૉક્ટર પ્રાઈવેટ પોતાનું ક્લિનિક ચલાવે છે, અથવા કોઈ પ્રાઈવેટ ક્લિનિકમાં કામ કરે છે, તો તેમની સેલરીનો અંદાજ લગાવવો થોડો મુશ્કેલ છે.
