NABARD Recruitment 2026: બેંકમાં સરકારી નોકરીની સુવર્ણ તક: નાબાર્ડમાં ૧૬૨ પદો પર ભરતીની જાહેરાત, જાણો કેવી રીતે કરશો ઓનલાઇન અરજી અને શું છે લાયકાત

NABARD Recruitment 2026: બેંકમાં સરકારી નોકરીની તૈયારી કરી રહેલા ઉમેદવારો માટે નાબાર્ડમાં નવી ભરતી બહાર પડી છે. રાષ્ટ્રીય કૃષિ અને ગ્રામીણ વિકાસ બેંક (NABARD) એ ગ્રુપ B વિકાસ સહાયક (Development Assistant) ના પદો પર અરજીઓ મંગાવી છે. જાહેર થયેલા શોર્ટ નોટિફિકેશન મુજબ, આ વેકેન્સી માટે ૧૭ જાન્યુઆરી ૨૦૨૬ થી ઓનલાઇન અરજી પ્રક્રિયા શરૂ થશે.

નાબાર્ડની આ નવી ભરતી દ્વારા ગ્રુપ બી વિકાસ સહાયક અને વિકાસ સહાયક (હિન્દી) ના ૧૬૨ પદો ભરવામાં આવશે. જે યુવાનો સરકારી બેંકમાં જોબ કરવા માંગે છે તેઓ એપ્લિકેશન વિન્ડો ખુલ્યા પછી ઓનલાઇન અપ્લાય કરી શકશે.

જરૂરી વિગતો (Important Details)

નાબાર્ડ ડેવલપમેન્ટ આસિસ્ટન્ટ માટે લાયકાત શું?

• શૈક્ષણિક લાયકાત: ડેવલપમેન્ટ આસિસ્ટન્ટ માટે ઉમેદવારો પાસે કોઈપણ વિષયમાં લઘુત્તમ ૫૦ ટકા ગુણ સાથે સ્નાતક (Graduate) ની ડિગ્રી હોવી જોઈએ (SC/ST/PWBD અને માજી સૈનિકો માટે માત્ર પાસિંગ ગુણ જરૂરી છે).

• ડેવલપમેન્ટ આસિસ્ટન્ટ (હિન્દી): આ પોસ્ટ માટે અંગ્રેજી/હિન્દી માધ્યમમાં સ્નાતકની ડિગ્રી હોવી જોઈએ. ડિગ્રી દરમિયાન હિન્દી/અંગ્રેજી વિષય ઇલેક્ટિવ તરીકે ભણેલા હોવા જોઈએ અને ઉમેદવારને અંગ્રેજીમાંથી હિન્દી અને હિન્દીમાંથી અંગ્રેજીમાં અનુવાદ કરતા આવડવું જોઈએ.

• વયમર્યાદા: ઉમેદવારની ઉંમર ઓછામાં ઓછી ૨૧ વર્ષ અને વધુમાં વધુ ૩૫ વર્ષ હોવી જોઈએ. અનામત વર્ગના ઉમેદવારોને ઉપલી વયમર્યાદામાં સરકારી નિયમો મુજબ છૂટછાટ આપવામાં આવશે.

અપ્લાય કેવી રીતે કરવું?

૧. આ ભરતીમાં અરજી કરવા માટે નાબાર્ડની સત્તાવાર વેબસાઇટ www.nabard.org પર જવું પડશે.

૨. હોમપેજ પર ‘Career Notices’ સેક્શનમાં તમને આ ભરતીની લિંક જોવા મળશે.

૩. જો તમે પ્રથમ વખત અરજી કરી રહ્યા હોવ, તો ‘Click Here for New Registration’ પર જઈને નોંધણી કરો.

૪. બેઝિક વિગતો ભરીને રજીસ્ટ્રેશન નંબર અને પાસવર્ડ મેળવી લો.

૫. હવે લોગઈન કરીને ફોર્મમાં માંગવામાં આવેલી તમામ વિગતો ધ્યાનપૂર્વક ભરો.

૬. એપ્લિકેશન ફી ભરો અને ફોર્મ સબમિટ કર્યા પછી તેની પ્રિન્ટ આઉટ કાઢીને સુરક્ષિત રાખો.

વધારે વિગતો માટે ઉમેદવારોને નાબાર્ડની સત્તાવાર વેબસાઇટની મુલાકાત લેવાની સલાહ આપવામાં આવે છે.