RBI Junior Engineer Recruitment 2026: એન્જિનિયરિંગના ક્ષેત્રમાં નવી જોબ શોધી રહેલા ઉમેદવારોને રિઝર્વ બેંક ઓફ ઈન્ડિયા (RBI) માં નોકરી મેળવવાની શાનદાર તક મળી રહી છે. આરબીઆઈ સિવિલ અને ઇલેક્ટ્રિકલ બ્રાન્ચમાં જુનિયર એન્જિનિયરની ભરતી કરી રહ્યું છે. આ માટે સત્તાવાર વેબસાઇટ opportunities.rbi.org.in પર જાહેરાત બહાર પાડવામાં આવી છે. 16 એપ્રિલથી ઓનલાઇન એપ્લિકેશનની વિન્ડો પણ ખુલી ગઈ છે. ઉમેદવારો ફોર્મ ભરી શકે છે. આરબીઆઈ જેઈ (JE) ને કેટલી સેલેરી મળશે? સિલેક્શન ક્રાઈટેરિયા શું રહેશે? તે પણ જાણી લો..
RBI JE Bharti 2026: મહત્વની તારીખો
અરજી ક્યારથી ક્યાં સુધી ચાલશે: 16 એપ્રિલ – 06 મે 2026
એક્ઝામિનેશન ફી જમા કરવાની વિન્ડો: 16 એપ્રિલ 2026 – 06 મે 2026
લેખિત પરીક્ષાની તારીખ: 06 જૂન 2026
RBI JE બનવા માટે યોગ્યતા શું જોઈએ?
જુનિયર એન્જિનિયર (સિવિલ): માન્યતા પ્રાપ્ત બોર્ડમાંથી ઓછામાં ઓછો 3 વર્ષનો સિવિલ એન્જિનિયરિંગમાં ડિપ્લોમા ઓછામાં ઓછા 65 ટકા ગુણ (SC/ST/PwBD માટે 55 ટકા) સાથે અથવા સિવિલ એન્જિનિયરિંગની ડિગ્રી 55 ટકા ગુણ (SC/ST/PwBD માટે 45 ટકા) સાથે પૂર્ણ કરેલ હોવી જોઈએ. ડિપ્લોમા ધરાવતા પાસે ઓછામાં ઓછો 2 વર્ષનો અનુભવ અને ડિગ્રી ધરાવતા પાસે ઓછામાં ઓછો 1 વર્ષનો કામનો અનુભવ હોવો જોઈએ.
જુનિયર એન્જિનિયર (ઇલેક્ટ્રિકલ): માન્યતા પ્રાપ્ત યુનિવર્સિટીમાંથી ઓછામાં ઓછો ત્રણ વર્ષનો ડિપ્લોમા ઇલેક્ટ્રિકલ અથવા ઇલેક્ટ્રિકલ એન્ડ ઇલેક્ટ્રોનિક એન્જિનિયરિંગમાં 65 ટકા ગુણ (SC/ST/PwBD માટે 55 ટકા) સાથે અથવા ઇલેક્ટ્રિકલ અથવા ઇલેક્ટ્રિકલ અને ઇલેક્ટ્રોનિક એન્જિનિયરિંગમાં 55 ટકા (SC/ST/PwBD માટે 45 ટકા) ગુણ સાથે ડિગ્રી પ્રાપ્ત કરેલ હોવી જોઈએ. ડિપ્લોમા ધારક ઉમેદવારો પાસે કામનો 2 વર્ષનો અનુભવ અને ડિગ્રી ધરાવતા પાસે એક વર્ષનો અનુભવ હોવો જોઈએ.
આરબીઆઈ જેઈ ભરતી 2026 જરૂરી વિગતો
| વિગત | માહિતી |
| ભરતી આયોગ | ભારતીય રિઝર્વ બેંક (RBI) |
| ખાલી જગ્યાઓ | 11 |
| અરજીની તારીખો | 16 એપ્રિલ – 06 મે 2026 |
| વયમર્યાદા | 20-30 વર્ષ સુધી. ઉમેદવારની જન્મતારીખ 2 એપ્રિલ 1996 પહેલા અને 01 એપ્રિલ 2006 પછીની ન હોવી જોઈએ. |
| સેલેરી | જેઈની શરૂઆતની બેઝિક પે સેલેરી માસિક ₹47,700/- છે. પરંતુ આમાં અન્ય ભથ્થા પણ ઉમેરાશે. કુલ મળીને હાલમાં જુનિયર એન્જિનિયરને આશરે ₹91,309 પ્રતિ માસ વેતન મળી રહ્યું છે. |
| સિલેક્શન પ્રોસેસ | ઓનલાઇન લેખિત પરીક્ષા અને લેંગ્વેજ પ્રોફિશિયન્સી ટેસ્ટ (LPT) |
RBI JE Selection Process: લેખિત પરીક્ષા
આરબીઆઈ જેઈની લેખિત પરીક્ષા 300 ગુણની હશે, જે 06 જૂન 2026 ના રોજ યોજવાનું પ્રસ્તાવિત છે. આમાં ઇંગ્લિશ લેંગ્વેજમાંથી 50, એન્જિનિયરિંગ ડિસિપ્લિન પેપર-I માંથી 40, એન્જિનિયરિંગ ડિસિપ્લિન પેપર-II માંથી 40, જનરલ ઇન્ટેલિજન્સ અને રીઝનિંગમાંથી 50 સવાલો મળીને કુલ 180 સવાલો પૂછવામાં આવશે. પરીક્ષાનો સમયગાળો 150 મિનિટનો રહેશે. લેખિત પરીક્ષામાં પસંદ થયેલા ઉમેદવારોને લેંગ્વેજ પ્રોફિશિયન્સી ટેસ્ટ માટે બોલાવવામાં આવશે.
આરબીઆઈ જેઈ ભરતીમાં અરજી કેવી રીતે કરવી?
સૌથી પહેલા સત્તાવાર વેબસાઇટ opportunities.rbi.org.in પર જાઓ.
અહીં તમને ‘Recruitment for the Post of Junior Engineer (Civil/Electric) Panel Year 2026’ ની લિંક દેખાશે. તેના પર ક્લિક કરતા જ આઈબીપીએસની વિન્ડો ખુલી જશે.
જો તમે નવા હોવ તો પહેલા ‘Click here for New Registration’ લિંક પર ક્લિક કરો.
અહીં તમારું નામ, મોબાઈલ નંબર, ઈમેલ આઈડી જેવી વિગતો ભરીને Save & Next કરો.
તમારો ફોટો અને સહી પણ સાચી સાઈઝમાં સ્કેન કરીને અપલોડ કરો. રજીસ્ટ્રેશન નંબર જનરેટ થયા પછી પાસવર્ડની મદદથી ફરી લોગીન કરો.
હવે માતા-પિતાનું નામ, ઉંમર, કેટેગરી, સરનામું, 10મું, 12મું, ડિપ્લોમા, ગ્રેજ્યુએશનના માર્ક્સ જેવી તમામ વિગતો ભરો.
પેમેન્ટનો વિકલ્પ આવ્યા પછી એપ્લિકેશન ફી ભરો અને ફોર્મ સબમિટ કરી દો.
SC/ST/PwBD/Ex-Servicemen ઉમેદવારોએ 50 રૂપિયા અને જનરલ/OBC/EWS ઉમેદવારોએ 450 રૂપિયા ફી ભરવાની રહેશે.
