હવે જાહ્નવીએ આ ઇવેન્ટની ખાસ પળોને તેના ફેન્સ સાથે શેર કરી છે.
જાહ્નવી કપૂર પોતાની પર્સનલ લાઈફને લઈને અવારનવાર હેડલાઈન્સમાં રહે છે. જાહ્નવીએ આ સપ્તાહના અંતમાં અનંત અંબાણી અને રાધિકા મર્ચન્ટના બીજા પ્રી-વેડિંગ ફંક્શનમાં હાજરી આપી હતી. આમાં તે એકલી નહોતી ગઈ, પરંતુ તેનો બોયફ્રેન્ડ શિખર પહાડિયા પણ તેની સાથે હતો. હવે જાહ્નવીએ આ ઇવેન્ટની ખાસ પળોને તેના ફેન્સ સાથે શેર કરી છે.
જાહ્નવીએ સોશિયલ મીડિયા પર શિખર સાથે અનંત અંબાણી અને રાધિકા મર્ચન્ટની પ્રી-વેડિંગ સેરેમનીની તસવીરો અને વીડિયો શેર કર્યા છે. આ ફોટામાંથી એકમાં જાહ્નવી શિખરનો હાથ પકડીને ચાલતી જોવા મળે છે. બંને ઘણા ખુશ દેખાઈ રહ્યા છે. જાન્હવીએ પોસ્ટને કેપ્શન આપ્યું, “તે સૌથી સુંદર વીકેન્ડ હતો, બધી મીઠી યાદો માટે આભાર.”
જાન્હવીએ ફિલ્મ ‘મિસ્ટર એન્ડ મિસિસ માહી’ના બોક્સ ઓફિસ કલેક્શનની તસવીર પણ શેર કરી છે. શરણ શર્મા દ્વારા નિર્દેશિત આ ફિલ્મે અત્યાર સુધીમાં 19.33 કરોડ રૂપિયાનું કલેક્શન કર્યું છે. થોડા મહિના પહેલા, જાન્હવી તેની બહેન ખુશી સાથે ‘કોફી વિથ કરણ’ના આઠમા એપિસોડમાં જોવા મળી હતી. આ શોમાં તેણે પોતાના અંગત જીવન વિશે પણ ખુલાસો કર્યો હતો. આ દરમિયાન જાહ્નવીએ પણ સ્વીકાર્યું કે તે શિખર પહાડિયા સાથે રિલેશનશિપમાં છે.
આ ભવ્ય કાર્યક્રમમાં જાન્હવી કપૂર અને શિખર પહાડિયાની સાથે સલમાન ખાન, શાહરૂખ ખાન, રણબીર કપૂર-આલિયા ભટ્ટ, શનાયા કપૂર, ઇબ્રાહિમ અલી ખાન, સારા અલી ખાન જેવી ઘણી બોલિવૂડ હસ્તીઓએ હાજરી આપી હતી.
