રાજકોટ આગની ઘટના બાદ સરકાર એક્શનમાં
રાજકોટના નાના માવા રોડ પર TRP ગેમ ઝોનમાં લાગેલી ભીષણ આગમાં 28 લોકોના મોત થયા છે. આ દર્દનાક આગ બાદ રાજ્ય સરકાર સફાળી જાગી છે. રાજ્ય સરકારે તમામ જિલ્લા કલેક્ટરોને ફાયર એનઓસી ન ધરાવતા લોકો સામે કેસ નોંધવાનો આદેશ આપ્યો છે. આ અંગે કલેક્ટરે જિલ્લા પોલીસ વડાને જાણ કરી છે. જેમાં ગુનો નોંધી કડક કાર્યવાહી કરવા સ્પષ્ટ આદેશ આપવામાં આવ્યો છે.
જાહેર સ્થળોની તપાસ માટે આદેશ
રાજ્યમાં રાજકોટની ઘટનાનું પુનરાવર્તન ન થાય તે માટે રાજ્ય સરકારે તમામ જિલ્લા કલેક્ટરને તકેદારી હેઠળ પગલાં લેવા આદેશ કર્યો છે. જેમાં રાજ્યમાં મંદિરો, મસ્જિદો, શાળાઓ, કોલેજો, મોલ, થિયેટરો, ખાણીપીણી બજારો, ગીચ વસ્તીવાળા બજારો, ગેમ ઝોન જ્યાં મોટી સંખ્યામાં લોકો ભેગા થાય છે તે તમામ સ્થળોની તપાસ કરવાના આદેશ આપવામાં આવ્યા છે.
જેમની પાસે ફાયર એનઓસી નથી તેમની સામે ગુનો નોંધવામાં આવશે.
રાજ્ય સરકારના આદેશ મુજબ સ્થાનિક મામલતદાર-નાયબ મામલતદાર અને પોલીસ સંયુક્ત રીતે દરેક સ્થળે ચકાસણી માટે જશે અને જેઓ
તે યુનિટમાં ફાયર એનઓસીની ચકાસણી કરશે. જો કોઈપણ યુનિટ પાસે ફાયર એનઓસી ન હોય તો તે યુનિટ સામે તાત્કાલિક કેસ નોંધવો જોઈએ.
કાર્યવાહીના આદેશ આપ્યા છે. આ જાહેરનામાનો તાત્કાલિક અમલ કરવા આદેશો પણ આપવામાં આવ્યા છે.
6 સરકારી કર્મચારીઓને સસ્પેન્ડ કરવામાં આવ્યા હતા
રાજકોટ આગની ઘટનામાં છ સરકારી કર્મચારીઓને સસ્પેન્ડ કરવામાં આવ્યા છે. જેમાં બે આસિસ્ટન્ટ એન્જિનિયર, બે સબ એન્જિનિયર અને બે પોલીસ ઈન્સ્પેક્ટરનો સમાવેશ થાય છે. નોંધનીય છે કે આગની ઘટના બાદ મસમોટા ગેમ ઝોનમાં ફાયર સેફ્ટી, એક્ઝિટ-એન્ટ્રી ગેટ ચેકિંગ જેવા કોઈ પણ પ્રકારની પરવાનગી કે સલામતીના પગલાં લીધા વગર મંજૂરી આપવામાં આવી હોવાના આક્ષેપો થયા હતા. જેના કારણે આ મોટો અકસ્માત થયો અને મોટી સંખ્યામાં લોકોએ જીવ ગુમાવ્યા.
