મુખ્યમંત્રી ભૂપેન્દ્ર પટેલ સહિત રાજ્ય મંત્રીમંડળના સભ્યોએ નવા ચૂંટાયેલા સભ્યોને અભિનંદન પાઠવ્યા હતા.
ગાંધીનગર, 11 જૂન. વિધાનસભાના અધ્યક્ષ શંકરભાઈ ચૌધરીએ મંગળવારે ગુજરાત વિધાનસભા પેટાચૂંટણી-2024માં જીતેલા પાંચ નવા ચૂંટાયેલા સભ્યોને ધારાસભ્ય તરીકેના શપથ લેવડાવ્યા હતા. આ પ્રસંગે મુખ્યમંત્રી ભૂપેન્દ્ર પટેલ સહિત રાજ્ય મંત્રીમંડળના સભ્યોએ નવા ચૂંટાયેલા સભ્યોને અભિનંદન પાઠવ્યા હતા.
વિધાનસભા અધ્યક્ષના કાર્યાલયમાં યોજાયેલા શપથ ગ્રહણ સમારોહમાં વિજાપુર વિધાનસભામાંથી ચૂંટાયેલા ડો.સી.જે. ચાવડા, પોરબંદર વિધાનસભામાંથી ચૂંટાયેલા અર્જુનભાઈ મોઢવાડિયા, માણાવદર વિધાનસભામાંથી ચૂંટાયેલા અરવિંદભાઈ લાડાણી, ખંભાત વિધાનસભામાંથી ચૂંટાયેલા ચિરાગકુમાર પટેલ અને વાઘોડિયા વિધાનસભામાંથી ચૂંટાયેલા ધર્મેન્દ્રસિંહ વાઘેલાએ ધારાસભ્ય તરીકે શપથ લીધા હતા.
