હવામાન વિભાગે આગામી બે દિવસ દરમિયાન લઘુત્તમ તાપમાનમાં વધારો થવાની આગાહી કરી છે.
ગુજરાતમાં ઠંડીનું મોજું વધી રહ્યું છે, હવામાન વિભાગે મંગળવારે ઉત્તરાયણ પર્વને ધ્યાનમાં રાખીને ભારે પવન અને ઠંડીની આગાહી કરી છે. જેમાં રાજ્યમાં ઉત્તર-પૂર્વથી પૂર્વ તરફ પવનની ગતિ 15 થી 20 કિલોમીટર પ્રતિ કલાક રહેશે. હવામાન વિભાગે આગામી બે દિવસ દરમિયાન લઘુત્તમ તાપમાનમાં વધારો થવાની આગાહી કરી છે.
સવારથી જ રાજ્યભરમાં ઠંડા પવનો ફૂંકાઈ રહ્યા છે, જ્યારે 14 જાન્યુઆરી, મંગળવારના રોજ ઉત્તરાયણ દરમિયાન સારા પવન ફૂંકાતા પતંગ પ્રેમીઓમાં ઉત્સાહ જોવા મળી રહ્યો છે. હવામાન વિભાગે રાજ્યમાં ઠંડી અને પવન ફૂંકવાની આગાહી કરી છે, જેમાં ઉત્તર-પૂર્વથી પૂર્વ તરફના પવનો રાજ્યને અસર કરશે. આનાથી પતંગ પ્રેમીઓ ઉત્સાહથી ઉત્તરાયણનો આનંદ માણી શકશે.
હવામાન વિભાગની આગાહી મુજબ, ઉત્તરાયણ સહિત આગામી બે દિવસ દરમિયાન લઘુત્તમ તાપમાનમાં 2-3 ડિગ્રી સેલ્સિયસનો વધારો થવાને કારણે ગુજરાતમાં ઠંડીથી રાહત મળશે. આ પછી 2-3 ડિગ્રી. તાપમાનમાં ઘટાડાને કારણે ઠંડીની તીવ્રતા ફરી વધશે. હવામાન વિભાગે આગાહી કરી છે કે ૧૯ જાન્યુઆરી સુધી સમગ્ર રાજ્યમાં હવામાન શુષ્ક રહેશે.
છેલ્લા 24 કલાકમાં ગુજરાતમાં સૌથી ઓછું તાપમાન નલિયામાં 8.8 ડિગ્રી નોંધાયું હતું. જ્યારે વડોદરામાં ૧૩.૨ ડિગ્રી, અમદાવાદમાં ૧૨.૪ ડિગ્રી, સુરેન્દ્રનગરમાં ૧૧.૮ ડિગ્રી, રાજકોટમાં ૧૧ ડિગ્રી, અમરેલીમાં ૧૩ ડિગ્રી, ભાવનગરમાં ૧૫.૬ ડિગ્રી અને સુરતમાં ૧૮.૪ ડિગ્રી તાપમાન નોંધાયું હતું.
