Gujarat Agricultural Land Loss: ખેડૂતની જમીન ઘટી રહી છે… તો કાલે ખાવા માટે શું વધશે? ઉદ્યોગો પછીની વાત છે…અન્ન વગર ન જીવી શકાય..
ગુજરાતમાં વિકાસની ગતિ તેજ છે, પરંતુ તેની કિંમત જો ખેતીની જમીન ચૂકવી રહી હોય તો સવાલ કરવો જરૂરી છે.
અહેવાલ મુજબ છેલ્લા વર્ષોમાં ગુજરાતમાં આશરે 2.28 લાખ હેક્ટર ખેતીલાયક જમીન ઘટી છે.
અને આ માત્ર જમીનનો આંકડો નથી…
આ જમીન એટલે
🌾 ખેડૂતની રોજીરોટી
🌾 અનાજનું ઉત્પાદન
🌾 ગામડાની અર્થવ્યવસ્થા
🌾 અને આવતી પેઢીની ખાદ્ય સુરક્ષા
શહેરીકરણ, રસ્તા, ઉદ્યોગો અને બાંધકામ માટે જમીનની જરૂરિયાત વધતી જાય છે. પરિણામે અનેક વિસ્તારોમાં ખેતીની જમીન બિનખેતી ઉપયોગ તરફ જઈ રહી છે.
અહેવાલમાં સાબરકાંઠા અને જૂનાગઢ સહિતના વિસ્તારોમાં ખેતીની જમીન ઘટવાના મુદ્દે ચિંતા વ્યક્ત કરવામાં આવી છે.
આજે જમીન પર બિલ્ડિંગ ઊભી થશે…
પણ કાલે એ જ જમીન પર અનાજ ક્યાં ઊગશે?
વિકાસ જરૂરી છે, ઉદ્યોગો પણ જરૂરી છે.
પરંતુ પ્રશ્ન એ છે
શું વિકાસ અને ખેતી વચ્ચે સંતુલન જાળવી શકીશું?
કારણ કે ખેડૂત પાસે જમીન નહીં રહે,
તો માત્ર ખેડૂત નહીં—આખી ખાદ્ય વ્યવસ્થા અસરગ્રસ્ત થશે.
વિકાસ એવો જોઈએ કે જમીન પણ બચે અને ખેડૂત પણ.
