Gujarat father swallowed 100 rupee note: અંધશ્રદ્ધાને કારણે કેટલાય લોકો પોતાનો જીવ જોખમમાં મૂકી દે છે. આવો જ એક કિસ્સો ગાંધીનગરમાં સામે આવ્યો છે. અહીં ત્રણ દીકરીઓના પિતા એક યુવકે સંતાનપ્રાપ્તિની મનોકામના પૂર્ણ કરવા માટે 100 રૂપિયાની નોટ ગળી લીધી. જોકે, ગળી ગયેલી નોટ બહાર કાઢવાનો પ્રયાસ કરતાં તે વ્યક્તિએ પોતાના પેટમાં છરી મારી લીધી.
તે ગંભીર રીતે ઘાયલ અવસ્થામાં હોસ્પિટલ પહોંચ્યો હતો. હોસ્પિટલ પહોંચ્યો ત્યારે તે હોશમાં હતો, પરંતુ પેટ પરના ઊંડા ઘાને કારણે તેની સ્થિતિ અત્યંત ગંભીર હતી. જોકે, તબીબોએ તેનો જીવ બચાવી લીધો.
આ અંગે પ્રાપ્ત માહિતી અનુસાર, ત્રણ દીકરીઓના પિતા એવા 36 વર્ષીય વ્યક્તિને પુત્રપ્રાપ્તિની કામનામાં માતાજીના અનાજ સાથે 100 રૂપિયાની નોટ ભેટમાં આપવામાં આવી હતી. જોકે, ગયા અઠવાડિયે યુવકે ભૂલથી અનાજ સાથે નોટ ગળી લીધી હતી. ત્યારબાદ યુવક માનસિક રીતે પરેશાન થઈ ગયો હતો, કારણ કે તેને લાગ્યું કે હવે તેને કોઈ પુત્ર નહીં થાય.
ગળી ગયેલી નોટ બહાર કાઢવા પેટ ચીરી નાખ્યું
અંતે, ગળી ગયેલી નોટ પાછી મેળવવા માટે યુવકે ટૂથપિક વડે પોતાનું પેટ કાપી નાખ્યું. ગયા બુધવારે યુવકને લોહીલુહાણ હાલતમાં સારવાર માટે ગાંધીનગર સિવિલ હોસ્પિટલમાં દાખલ કરવામાં આવ્યો હતો. ત્યાં તબીબી તપાસ દરમિયાન યુવકના આંતરડાં કપાઈ ગયેલા હોવાનું જણાયું, જેના કારણે દોઢથી બે કલાક સુધી જટિલ સર્જરી કરવામાં આવી હતી.
આંતરડામાં ખાસ ટ્યુબ મૂકવામાં આવી
આ ઉપરાંત, દર્દીને ખોરાક લેવામાં મુશ્કેલી ન પડે તે માટે તેના આંતરડામાં એક વિશેષ ટ્યુબ મૂકવામાં આવી અને તેને ICUમાં દાખલ કરવામાં આવ્યો. ત્યાં 8 દિવસ સુધી તબીબી દેખરેખ હેઠળ રહ્યા બાદ યુવકની સ્થિતિ સ્થિર થઈ ગઈ અને તેને રજા આપવામાં આવી.
