R C Meena IAS Family: ગુજરાત કેડરના 1992 બેચના IAS અધિકારી R C મીણા ગુજરાતમાં પ્રિન્સિપલ સેક્રેટરી તરીકે કાર્યરત છે, પરંતુ ગુજરાતના વરિષ્ઠ અધિકારી રમેશ ચંદ્ર મીણાની દીકરી માનસી મીણા બાદ હવે તેમના પુત્ર હર્ષિલ મીણાને પણ ગુજરાત કેડર મળી ગયું છે. આવી સ્થિતિમાં R C મીણા સાથે બનેલો આ સંયોગ ચર્ચામાં આવ્યો છે. આ સંયોગ એટલા માટે ખાસ છે કે 2021 બેચના તેમના પુત્ર હર્ષિલ મીણાને મેરેજ ગ્રાઉન્ડ પર ગુજરાત કેડર મળ્યું છે, જ્યારે ખુદ R C મીણા અને તેમની દીકરી પહેલેથી જ ગુજરાતમાં સેવાઓ આપી રહ્યા છે.
પુત્રની સાથે પુત્રવધૂ પણ IAS
મૂળરૂપે રાજસ્થાનના રહેવાસી R C મીણાએ ગુજરાત સિવિલ સર્વિસમાં લાંબી કારકિર્દી પસાર કરી છે. મીણાનું રિટાયરમેન્ટ માર્ચ, 2029માં પ્રસ્તાવિત છે. 21 નવેમ્બર 1997ના રોજ જન્મેલા હર્ષિલ R. મીણા 2021 બેચના IAS છે. તેમને કેડર એલોટમેન્ટમાં કેરળ મળ્યું હતું, પરંતુ ગુજરાત કેડર અને 2024 બેચની IAS અધિકારી ધારણી M સાથે લગ્ન થયા બાદ તેમનું કેડર બદલાઈ ગયું છે. ટૂંક સમયમાં રાજ્ય સરકાર દ્વારા તેમને પોસ્ટિંગ આપવામાં આવે તેવી અપેક્ષા છે. હર્ષિલે IIT દિલ્હીમાંથી કમ્પ્યુટર સાયન્સ એન્જિનિયરિંગમાં B.Techની ડિગ્રી પૂર્ણ કરી છે. તેઓ કેરળ કેડરમાં ડેપ્યુટી કલેક્ટર અને કેરળના પર્યાવરણ તથા ક્લાઇમેટ ચેન્જ વિભાગમાં ડિરેક્ટર તરીકે કામ કરી ચૂક્યા છે.
મીણા પરિવારના ચાર સભ્યો એક કેડરમાં
- R C મીણા, 1992 ગુજરાત કેડર IAS
- માનસી મીણા (દીકરી), 2023 બેચ IPS, ગુજરાત
- હર્ષિલ R મીણા (પુત્ર), 2021 બેચ કેરળ કેડર (હવે ગુજરાત)
- ધારણી M મીણા (પુત્રવધૂ), 2024 બેચ IAS ગુજરાત
- દિલખુશ મીણા (જમાઈ), 2019 બેચ AGUMT કેડર IAS
દીકરી માનસી છે IPS
IPS R C મીણાની દીકરી અને હર્ષિલની બહેન માનસી પોલીસ સેવામાં છે. તેઓ 2023 બેચની ગુજરાત કેડરની IPS છે. UPSC પરીક્ષામાં માનસી મીણાએ ઑલ ઇન્ડિયા લેવલ પર 738 રેન્ક મેળવી હતી. તેમણે હૈદરાબાદની NALSAR યુનિવર્સિટીમાંથી BA બાદ LLBની ડિગ્રી મેળવી છે. માનસીના લગ્ન દિલખુશ મીણા સાથે થયા છે. તેઓ AGUMT કેડરના 2019 બેચના IAS છે. તેઓ હાલમાં MCD દિલ્હીમાં ડેપ્યુટી કમિશનર છે. માનસી મીણા હાલમાં ગાંધીનગરમાં ASP તરીકે તૈનાત છે. ભાઈ હર્ષિલને કેન્દ્ર સરકાર દ્વારા ગુજરાત કેડર મંજૂર કરવામાં આવ્યા બાદ મીણા પરિવાર એક જ રાજ્યમાં આવી ગયો છે.
