Yusuf Pathan Praises BJP: પશ્ચિમ બંગાળ વિધાનસભા ચૂંટણીમાં તૃણમૂલ કોંગ્રેસને સત્તામાં ટકાવી રાખવા માટે મમતા બેનર્જી ભાજપ સામે આરપારની લડાઈ લડી રહ્યા છે, પરંતુ પાર્ટીના બહેરામપુરના લોકસભા સાંસદ યુસુફ પઠાણે પોતાના એક નિવેદનથી TMCને મુશ્કેલીમાં મૂકી દીધી છે. યુસુફ પઠાણ રવિવારે ગુજરાતમાં સ્થાનિક સ્વરાજ્યની ચૂંટણીમાં મતદાન કરવા માટે ગુજરાત પહોંચ્યા હતા. વડોદરામાં પત્ની અને પિતા સાથે મતદાન કર્યા બાદ તેમણે મીડિયા સાથેની વાતચીતમાં કહ્યું કે ગુજરાતમાં ભાજપને હટાવવું મુશ્કેલ છે. અહીં હજુ દાયકાઓ સુધી ભાજપનું શાસન રહેશે. યુસુફ પઠાણના કહેવાનો આશય હતો કે આગામી 40-50 વર્ષ સુધી ભાજપ રહેશે.
“No one can defeat BJP in Gujarat for the next 40–50 years. Facts are facts. A party that is strong, works for the people, and is liked by the people will stay in power.”
After remarks from Anubrata Mondal and Byron Biswas suggesting a BJP surge in Bengal, now even one of the… pic.twitter.com/NpLkFL7BCI
— BJP West Bengal (@BJP4Bengal) April 26, 2026
ભાજપે શેર કર્યો યુસુફ પઠાણનો વીડિયો
પશ્ચિમ બંગાળમાં બીજા તબક્કાના મતદાનના ઠીક પહેલા TMCના સ્ટાર સાંસદ યુસુફ પઠાણના નિવેદનને પશ્ચિમ બંગાળ ભાજપે પોતાના સોશિયલ મીડિયા એકાઉન્ટ્સ પર શેર કર્યું છે. ભાજપે આ સાથે લખ્યું છે કે ગુજરાતમાં ભાજપને આગામી 40-50 વર્ષ સુધી કોઈ હરાવી શકશે નહીં. સત્ય એ જ સત્ય છે. જે ટીમ મજબૂત છે, જનતા માટે કામ કરે છે અને જનતામાં લોકપ્રિય છે, તે જ પાર્ટી સત્તામાં છે. અનુબ્રત મંડલ અને બાયરન વિશ્વાસની ટિપ્પણીથી બંગાળમાં ભાજપના ઉદયના સંકેત મળ્યા બાદ, યુસુફ પઠાણે પણ ભાજપ શાસિત રાજ્યોના વિકાસનો સ્વીકાર કર્યો છે.
‘હિટ વિકેટ’ થઈ ગયા યુસુફ પઠાણ?
ભાજપે આગળ લખ્યું છે કે પશ્ચિમ બંગાળના સાંસદ હોવા છતાં તેઓ ગુજરાતમાં રહે છે, તેથી તેઓ ભાજપ સરકારના સુશાસનની કિંમત જાણે છે. ભાજપે વધુમાં લખ્યું છે કે એ વાતનો ક્યારેય ઇનકાર કરી શકાય નહીં કે શાસન, સેવા અને માનવીય વિશ્વાસ આખરે રાજકીય પરિણામો નક્કી કરે છે. એવામાં જ્યારે બંગાળમાં ભાજપ અને TMC વચ્ચે જોરદાર મુકાબલો ચાલી રહ્યો છે ત્યારે યુસુફ પઠાણે પોતાના નિવેદનથી મમતા બેનર્જીની આગેવાની હેઠળની પાર્ટીને મુશ્કેલીમાં મૂકી દીધી છે. 2024માં TMCએ યુસુફ પઠાણને બહેરામપુરથી મેદાનમાં ઉતાર્યા હતા. તેમણે કોંગ્રેસના દિગ્ગજ નેતા અધીર રંજન ચૌધરીને મુકાબલામાં હરાવ્યા હતા. યુસુફ પઠાણનું વડોદરાના તાંદલજા વિસ્તારમાં ઘર છે. ગુજરાતમાં યુસુફ પઠાણના નિવેદનને હવે ભાજપે વટાવવાનું શરૂ કરી દીધું છે. યુસુફ પઠાણ TMCનો મોટો મુસ્લિમ ચહેરો છે. આ નિવેદન બાદ યુસુફ પઠાણ સોશિયલ મીડિયા પર યુઝર્સના નિશાના પર આવી ગયા છે.
