આઠ વર્ષ પહેલા ઉર્મિલાએ કાશ્મીરી બિઝનેસમેન અને મોડલ મોહસીન સાથે આંતર-ધાર્મિક લગ્ન કર્યા હતા.
મુંબઈઃ અભિનેત્રી અને રાજનેતા ઉર્મિલા માતોંડકરના અંગત જીવન વિશે ઘણી માહિતીઓ સામે આવી છે. એવું કહેવામાં આવી રહ્યું છે કે ઉર્મિલા તેના પતિ મોહસીન અખ્તર મીર સાથે છૂટાછેડા લેશે. આઠ વર્ષ પહેલા ઉર્મિલાએ કાશ્મીરી બિઝનેસમેન અને મોડલ મોહસીન સાથે આંતર-ધાર્મિક લગ્ન કર્યા હતા. એવા સમાચાર છે કે હવે તેમના સંબંધોમાં તિરાડ આવી ગઈ છે.
ઉર્મિલા અને મોહસીનના લગ્ન 2016માં થયા હતા. ઉર્મિલા માતોંડકરે લગ્નના આઠ વર્ષ બાદ ચાર મહિના પહેલા તેના પતિ મોહસીન અખ્તર મીરથી છૂટાછેડા માટે અરજી કરી છે. ઉર્મિલા અને મોહસીન પરસ્પર સહમતિથી અલગ થઈ રહ્યાં નથી. રિપોર્ટ અનુસાર, “ઘણી વિચાર-વિમર્શ પછી ઉર્મિલાએ મોહસીન સાથેના લગ્નને ખતમ કરવાનો નિર્ણય લીધો છે. તેણે કોર્ટમાં છૂટાછેડાની અરજી દાખલ કરી દીધી છે.
અલગ થવા પાછળનું કારણ હજુ સુધી જાણી શકાયું નથી, પરંતુ તેઓએ છૂટાછેડા માટે અરજી કરવાનું નક્કી કર્યું છે. આ છૂટાછેડા પરસ્પર સંમતિથી નથી.” અત્યાર સુધી ઉર્મિલા અને મોહસીન બંનેએ આ અંગે કોઈ ટિપ્પણી કરી નથી.
ઉર્મિલા અને મોહસીનની મુલાકાત તેમના મિત્ર અને બોલિવૂડ ડિઝાઈનર મનીષ મલ્હોત્રા દ્વારા થઈ હતી. બંને પ્રેમમાં પડ્યા અને 3 માર્ચ 2016ના રોજ એક ખાનગી સમારંભમાં લગ્ન કરી લીધા. તેમના લગ્નમાં માત્ર નજીકના મિત્રો અને પરિવારના સભ્યો જ હાજર રહ્યા હતા. ઉર્મિલા અને મોહસીન વચ્ચે ઉંમરમાં 10 વર્ષનો તફાવત છે, તેથી તેમના લગ્નની ખૂબ ચર્ચા થઈ હતી. ઉર્મિલા 50 વર્ષની છે, જ્યારે મોહસીન 40 વર્ષનો છે.
કોણ છે મોહસીન અખ્તર મીરઃ મોહસીન મૂળ કાશ્મીરનો છે. તે એક પ્રોફેશનલ અને મોડલ છે. મોહસિને 2009માં ‘ઈટ્સ અ મેન્સ વર્લ્ડ’થી અભિનયની શરૂઆત કરી હતી, ત્યારપછી તે જ વર્ષે ‘લક બાય ચાન્સ’થી. બે વર્ષ બાદ તે ‘મુંબઈ મસ્ત કલંદર’માં જોવા મળ્યો હતો. તેણે ફિલ્મ ‘પાસ’માં પણ કામ કર્યું હતું. હવે એવું કહેવામાં આવી રહ્યું છે કે તે મનીષ મલ્હોત્રાની બ્રાન્ડ સાથે કામ કરી રહ્યો છે.
