પટના સ્ટેશન પાસે એક હોટલમાં લાગી ભીષણ આગ, બે લોકોના મોત.
પટના, 25 એપ્રિલ. રાજધાની પટનાના કોતવાલી પોલીસ સ્ટેશન વિસ્તારમાં સ્થિત સ્ટેશન નજીક આવેલી પાલ હોટલમાં ગુરુવારે ભીષણ આગ લાગી હતી. ફાયર બ્રિગેડની અનેક ગાડીઓ ઘટનાસ્થળે હાજર છે અને આગ પર કાબૂ મેળવવાના પ્રયાસો કરવામાં આવી રહ્યા છે.
પોલીસના જણાવ્યા અનુસાર, આગમાં બે લોકોના મોત થયા છે, જ્યારે ઘણા લોકો દાઝી ગયા છે. એમ્બ્યુલન્સ ઘટના સ્થળે હાજર છે. રેસ્ક્યુ ટીમે લોકોને બહાર કાઢતા જ એમ્બ્યુલન્સ દ્વારા હોસ્પિટલ લઈ જવામાં આવી રહ્યા છે. બિલ્ડિંગની ટોચ પર હજુ પણ ઘણા લોકો ફસાયેલા હોવાના અહેવાલ છે. આગના કારણે મોટાપાયે નુકસાન થવાની આશંકા છે. બંને મૃતકોની ઓળખ થઈ નથી. કોતવાલી પોલીસ સ્ટેશનની પોલીસની સાથે પટના એસડીએમ પણ ઘટનાસ્થળે હાજર છે. ફાયર બ્રિગેડની ટીમ આગ પર કાબૂ મેળવવાનો પ્રયાસ કરી રહી છે. સાવચેતીના ભાગરૂપે આસપાસની ઈમારતોને ખાલી કરાવવામાં આવી છે.
