Air India Diwali Flight sale 2024 :એર ઇન્ડિયા ફ્લાઇટ ટિકિટ કિંમત: એરલાઇન કંપની એર ઇન્ડિયાએ દિવાળી માટે હવાઈ ભાડા પર બમ્પર ડિસ્કાઉન્ટ ઓફર કર્યું છે. અગાઉ અન્ય એરલાઇન કંપનીઓએ પણ ગ્રાહકોને આકર્ષવા માટે તેમના ભાડામાં ઘટાડો કર્યો છે.
સમાચાર એજન્સી પીટીઆઈના અહેવાલ મુજબ, ઘણી એરલાઈન્સ કંપનીઓએ ગયા વર્ષની સરખામણીમાં સરેરાશ હવાઈ ભાડામાં 20-25 ટકાનો ઘટાડો કર્યો છે. કંપનીઓ દ્વારા ક્ષમતામાં વધારો થવાથી અને તાજેતરમાં તેલના ભાવમાં થયેલા ઘટાડાને કારણે ભાવમાં ઘટાડો થયો છે.
એર ઈન્ડિયા તહેવારોની સિઝનમાં મુસાફરી કરતા મુસાફરોને ટિકિટ ભાડામાં ડિસ્કાઉન્ટ ઓફર કરી રહી છે. કંપનીની વેબસાઈટ અનુસાર, સિંગાપોર આવવા-જવાની વન-વે ફ્લાઇટ ટિકિટ ₹7,445થી શરૂ થશે. જો કે, આ ટિકિટ બુકિંગ 8મીથી 14મી ઓક્ટોબરની વચ્ચે અસરકારક રહેશે. આ ઓફર હેઠળ, મુસાફરો 8 ઓક્ટોબરથી 30 નવેમ્બરની વચ્ચે મુસાફરી માટે ટિકિટ બુક કરાવી શકે છે.
10 ટકા સુધી વધારાનું ડિસ્કાઉન્ટ
આ સિવાય એર ઈન્ડિયાના રિયાધ અને જેદ્દાહ, સાઉદી અરેબિયા માટે ટિકિટ બુકિંગમાં પણ ડિસ્કાઉન્ટ ઉપલબ્ધ છે. મુસાફરો 20 માર્ચ, 2025 સુધીની મુસાફરીના સમયગાળા માટે 17 નવેમ્બર સુધી 32,611 રૂપિયા જેટલી ઓછી કિંમતમાં ટિકિટ બુક કરાવી શકે છે.
દિલ્હી અથવા મુંબઈ એરપોર્ટથી ઉડતા ગ્રાહકો બિઝનેસ ક્લાસમાં 10 ટકા અને ઈકોનોમી ક્લાસમાં 5 ટકા ડિસ્કાઉન્ટ મેળવી શકે છે. આ સિવાય તે વન-વે ડોમેસ્ટિક ફ્લાઈટ્સ પર પ્રતિ પેસેન્જર 200 રૂપિયાનું ઈન્સ્ટન્ટ ડિસ્કાઉન્ટ પણ આપી રહ્યું છે. આ ઓફર 30મી નવેમ્બર સુધી માન્ય છે.
