Arvind Kejriwal West Bengal Campaign: અરવિંદ કેજરીવાલ તમિલનાડુ બાદ હવે બંગાળના ચૂંટણી મેદાનમાં મમતા સરકારના સમર્થનમાં ઉતરશે. આમ આદમી પાર્ટી (આપ) સંયોજક અરવિંદ કેજરીવાલ પશ્ચિમ બંગાળ વિધાનસભા ચૂંટણીમાં સત્તાધારી તૃણમૂલ કોંગ્રેસ માટે સમર્થન માંગવા માટે ૨૬ અને ૨૭ એપ્રિલના રોજ ચૂંટણી પ્રચાર કરશે.
મમતા સરકારના સમર્થનમાં માંગશે વોટ
આમ આદમી પાર્ટી સાથે જોડાયેલા સૂત્રોએ ગુરુવારે આ જાણકારી આપતા જણાવ્યું કે આપ સુપ્રીમો કેજરીવાલ પશ્ચિમ બંગાળના મુખ્યમંત્રી અને તૃણમૂલ કોંગ્રેસ સુપ્રીમો મમતા બેનર્જીના આમંત્રણ પર રાજ્યની મુલાકાત લેશે અને તેમના માટે જનતા પાસેથી સમર્થન માંગશે. અરવિંદ કેજરીવાલે બુધવારે કહ્યું હતું કે તેમણે બેનર્જી સાથે ફોન પર વાત કરી છે અને તેમને પોતાનું “પૂર્ણ સમર્થન અને એકતા” વ્યક્ત કરી છે.
અરવિંદ કેજરીવાલે એક્સ પર કરી પોસ્ટ
તેમણે સોશિયલ મીડિયા પ્લેટફોર્મ ‘એક્સ’ પર જાહેર કરેલી પોસ્ટમાં કહ્યું હતું કે હમણાં જ મમતા દીદી સાથે ફોન પર વાત થઈ. મેં તેમના પ્રત્યે પૂરી એકતા અને સમર્થન વ્યક્ત કર્યું. તેઓ સૌથી મુશ્કેલ લડાઈઓમાંથી એક લડી રહ્યા છે, જે ભારતીય લોકશાહી માટે સૌથી મહત્વપૂર્ણ લડાઈઓમાંથી એક છે.
તમિલનાડુમાં ડીએમકેના પક્ષમાં કર્યો હતો ચૂંટણી પ્રચાર
પશ્ચિમ બંગાળની ૨૯૪ સભ્યોની વિધાનસભા માટે પ્રથમ તબક્કામાં ગુરુવારે ૧૫૨ બેઠકો પર મતદાન સંપન્ન થઈ ગયું જ્યારે ૨૯ એપ્રિલના રોજ બીજા તબક્કામાં બાકીની બેઠકો પર મતદાન થશે. ચૂંટણીના પરિણામો ચાર મેના રોજ આવશે. તમિલનાડુ વિધાનસભા ચૂંટણીમાં ડીએમકે એમ કે સ્ટાલિનના સમર્થનમાં ચૂંટણી પ્રચાર કર્યો હતો. તમને જણાવી દઈએ કે દિલ્હીના પૂર્વ મુખ્યમંત્રી અરવિંદ કેજરીવાલે આ પહેલા તમિલનાડુ વિધાનસભા ચૂંટણીમાં ડીએમકે એમ કે સ્ટાલિનના સમર્થનમાં ચૂંટણી પ્રચાર કર્યો હતો.
