સુરતમાં ભાજપ કાર્યાલયમાં ફટાકડા ફૂટ્યા, જલેબીનું વિતરણ કરાયું
સુરત. હરિયાણામાં સતત ત્રીજી વખત ભારતીય જનતા પાર્ટીની સરકાર બન્યા બાદ સુરત શહેરમાં ઉજવણીનો માહોલ છે. સુરત ભાજપ કાર્યાલય ખાતે કાર્યકરોએ ફટાકડા ફોડી અને જલેબી વહેંચીને ખુશી વ્યક્ત કરી હતી.
સુરત ભાજપ મહાનગર પ્રમુખ નિરંજન ઝાંઝમેરાએ જણાવ્યું હતું કે આ જીત વડાપ્રધાન મોદીની લોકપ્રિયતા અને ભાજપના સુશાસનનું પરિણામ છે. તેમણે કહ્યું કે આ જીત દેશમાં નવી ઉર્જાનો સંચાર કરશે.
આ પહેલીવાર છે જ્યારે હરિયાણામાં કોઈ પાર્ટીએ સતત ત્રણ વખત સત્તા મેળવી હોય. જમ્મુ-કાશ્મીરમાં પણ ભાજપનું પ્રદર્શન ઘણું સારું રહ્યું છે.
હરિયાણાની જનતાએ ફરી એકવાર વડાપ્રધાન નરેન્દ્ર મોદીના નેતૃત્વ અને રાજ્યમાં ભાજપ સરકારના વિકાસ કાર્યોમાં વિશ્વાસ વ્યક્ત કર્યો છે. 10 વર્ષના શાસનમાં ભાજપે રાજ્યમાં અનેક વિકાસના કામો કર્યા છે, જેના બદલ જનતાએ તેમને વળતર આપ્યું છે.
આ પ્રસંગે દક્ષિણ ગુજરાતના પ્રવક્તા ડો.જગદીશભાઈ પટેલ, દક્ષિણ ગુજરાત મીડિયા સંયોજક રાજેશભાઈ દેસાઈ, સુરત મહાનગરપાલિકાના પૂર્વ સ્ટેન્ડિંગ કમિટી ચેરમેન પરેશભાઈ પટેલ, સુરત મહાનગરપાલિકાના ડેપ્યુટી મેયર નરેન્દ્રભાઈ પાટીલ, શાસક પક્ષના નેતા શ્રીમતી શશીબેન ત્રિપાઠી, મેજીસ્ટ્રેટ ધર્મેશભાઈ પટેલ, નગરપાલિકાના આગેવાનો ઉપસ્થિત રહ્યા હતા. વાણીયાવાલા તથા અન્ય અધિકારીઓ અને ભારતીય જનતા પાર્ટી સુરત શહેર અને મહાનગર પાલિકાના અગ્રણી કાર્યકરો ઉપસ્થિત રહ્યા હતા.
