છોકરીઓને આર્થિક રીતે મજબૂત બનાવવા માટે કેન્દ્ર સરકાર દ્વારા સુકન્યા સમૃદ્ધિ યોજના ચલાવવામાં આવી રહી છે. જેમાં બાળકીના જન્મ બાદ તેના નામે ખાતું ખોલાવીને જમા કરાવવાની શરૂઆત કરવામાં આવે છે.જો તમે પણ સુકન્યા સમૃદ્ધિ યોજનામાં રોકાણ કરવા જઈ રહ્યા છો, તો તે પહેલા સરકાર દ્વારા કરવામાં આવેલા 5 મોટા ફેરફારો વિશે જાણકારી મેળવી લો.
વ્યાજ અંગે સમીક્ષા થશે
હાલમાં સરકાર દ્વારા સુકન્યા સમૃદ્ધિ યોજનામાં વાર્ષિક 8.2 ટકા વ્યાજ આપવામાં આવે છે. પરંતુ સરકાર વ્યાજને લઈને સમીક્ષા બેઠક યોજવા જઈ રહી છે. જે જૂનમાં પૂરા થતા ક્વાર્ટરમાં થઈ શકે છે. પરંતુ એવી પણ અપેક્ષા છે કે સરકાર વ્યાજ દરોમાં કોઈ ફેરફાર નહીં કરે.સુકન્યા સમૃદ્ધિ ખાતાઓમાં જમા રકમ પર વ્યાજ અગાઉ ત્રિમાસિક ધોરણે જમા કરવામાં આવતું હતું, જે હવે વાર્ષિક ધોરણે જમા થશે. આ સિવાય ખાતામાં ખોટું વ્યાજ જમા થાય તો તેને પરત કરવાની જોગવાઈમાં ફેરફાર કરવામાં આવ્યો છે.
પુત્રીના મૃત્યુ અથવા તેના સરનામામાં ફેરફાર પર ખાતું બંધ કરી શકાય છે. પરંતુ હવે જો વાલીનું મૃત્યુ થાય અથવા કોઈ જીવલેણ રોગ થાય તો પણ સુકન્યા સમૃદ્ધિ યોજનાનું ખાતું બંધ કરી શકાય છે.
· જો વાલીએ એક વર્ષમાં ઓછામાં ઓછા રૂ. 250 અને વધુમાં વધુ રૂ. 1.5 લાખ જમા ન કરાવ્યા હોય, તો ખાતાને ડિફોલ્ટ કેટેગરીમાં રાખવામાં આવશે. પરંતુ હવે જ્યાં સુધી ખાતું ફરીથી સક્રિય ન થાય ત્યાં સુધી તેમાં ઉપલબ્ધ જમા રકમ પર વ્યાજ આપવામાં આવશે.
અગાઉ, સુકન્યા સમૃદ્ધિ યોજનાનો લાભ માત્ર બે દીકરીઓના જન્મ પર જ મેળવી શકાતો હતો. પરંતુ હવે ત્રીજી પુત્રી હોય તો પણ યોજનામાં ત્રણેયના નામે ખાતા ખોલાવી શકાશે. આ લાભ ત્યારે જ મળશે જો તમારી પાસે પહેલી દીકરી થયા પછી જોડિયા છોકરીઓ હોય.
